مەجٸلٸستە «قر-نىڭ كەيبٸر زاڭنامالىق اكتٸلەرٸنە سىبايلاس جەمقورلىققا قارسى ٸس-قيمىل مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بويىنشا ماقۇلداندى, دەپ حابارلايدى قازاقپارات.
«زاڭ جوباسى پارلامەنت مەجٸلٸسٸندە 29 سەۋٸردە بٸرٸنشٸ وقىلىمدا ماقۇلدانعان. زاڭ جوباسى سىبايلاس جەمقورلىققا قارسى ٸس-قيمىل سالاسىنداعى زاڭنامانى ودان ەرٸ جەتٸلدٸرۋگە باعىتتالعان. جۇمىس توبىنىڭ زاڭ جوباسىمەن جۇمىس ٸستەۋٸ بارىسىندا دەپۋتاتتار قۇقىق قورعاۋ ورگانى, ارناۋلى مەملەكەتتٸك ورگان قىزمەتكەرٸنٸڭ, ەسكەري قىزمەتشٸنٸڭ قىلمىس جاساۋعا اراڭداتقانى ٷشٸن قىلمىستىق جاۋاپتىلىقتى بەلگٸلەۋدٸ ەنگٸزدٸ. سونداي-اق, كۆازيمەملەكەتتٸك سەكتور سۋبەكتٸلەرٸنٸڭ باسشىلارىن سىبايلاس جەمقورلىققا قارسى ٸس-قيمىل بويىنشا شارالار قابىلداماعانى ٷشٸن جاۋاپتىلىققا جاتاتىن سۋبەكتٸلەر قاتارىنا ەنگٸزۋ, سىبايلاس جەمقورلىققا قارسى قىزمەتتٸڭ جەدەل-تەرگەۋ بٶلٸمشەلەرٸنٸڭ قىزمەتكەرلەرٸنە تۇرعىن ٷي تٶلەمدەرٸن بەلگٸلەۋ جٶنٸندە تٷزەتۋلەردٸ ۇسىندى. بۇدان باسقا, دەپۋتاتتار زاڭ جوباسىن زاڭ تەحنيكاسىنىڭ تالاپتارىنا سەيكەس كەلتٸرۋ بويىنشا, سونداي-اق ونىڭ مازمۇنىن ناقتىلايتىن جەنە جاقسارتاتىن تٷزەتۋلەردٸ ۇسىندى», - دەدٸ مەجٸلٸستٸڭ جالپى وتىرىسىندا دەپۋتات مۇحتار ەرمان.
زاڭ جوباسى بويىنشا دەپۋتاتتار مەن مەملەكەتتٸك ورگاندار ٶكٸلدەرٸنٸڭ قاتىسۋىمەن جۇمىس توبىنىڭ 6 وتىرىسى ٶتكٸزٸلگەن.
«پارلامەنت مەجٸلٸسٸنٸڭ كوميتەتتەرٸ اتالعان زاڭ جوباسى بويىنشا وڭ قورىتىندىلارىن ۇسىندى. زاڭ جوباسى بويىنشا كەلٸپ تٷسكەن بارلىق ۇسىنىستار جۇمىس توبىنىڭ جەنە كوميتەتتٸڭ وتىرىستارىندا جان-جاقتى قارالىپ, تالقىلاندى», - دەدٸ ول.
