Jemqorlyq, iaǵni korrýptsiia sózi latyn tilinen aýdarǵanda – «satyp alý» degen maǵyna beredi. Bir kezderi jai ǵana tutynýshy men saýdager arasyndaǵy taýar ainalymyn bildiretin bul sóz – qazirgi tańda memlekettik, tipti álemdik sipattaǵy indetke ainalǵan desek te bolady.
Qazaqstan halqy qazirgi tańda múlde jańa, buryn-sońdy bolmaǵan naryqtyq qoǵamynda ómir súrip jatyr. Al naryqtyq ekonomikanyń negizgi zańy – iskerlik. Bul turǵyda bizdiń jetken jetistikterimiz az emes. Táýelsizdik alǵan kúnimizden beri qarqyndy damý ústindemiz. Biraq, áli kúnge sheshimin tappai kele jatqan saýaldardyń biri – joǵaryda aitqan jemqorlyq máselesi bolyp otyr. Bul jaǵdai shyrmaýyqsha shyrmalyp, óskeleń urpaqtyń aldyn kes-kestep keledi.
Jemqorlyq – tek urpaǵymyzdyń ǵana aldyn bógeitin qubylys emes. Urpaq elimizdiń erteńi desek, sybailas jemqorlyq – erteńimizge aparar jolymyzdy qiyndata túsedi. Elbasymyzdyń «Qazaqstan halqynyń ál-aýqatyn arttyrý – memlekettik saiasattyń basty maqsaty» atty óziniń Qazaqstan halqyna Joldaýynda: «Demokratiialyq qoǵam jaǵdaiynda qylmys pen sybailas jemqorlyqqa qarsy kúres erekshe mánge ie bolady», - dep atap kórsetti. Osy sózden-aq tóner qaýiptiń qanshalyqty ekenin ańǵarý qiynǵa soǵa qoimas.
Demokratiialy eldiń eń úlken jaýy – jemqorlyq desek, bul jaýmen qalai kúresýge bolady? Mamandardyń aitýy boiynsha eń birinshi qarapaiym halyqtyń quqyqtyq saýattylyǵyn arttyrǵan jón. Qazaqstan Respýblikasynyń kez-kelgen azamaty óziniń quqyǵy buzylǵan jerdi bilip, ózin qorǵai alýy kerek. Jáne mundai is-áreket oryn alǵan jaǵdaida qandai amaldar qoldaný kerektigin jaqsy bilýi tiis. Bul sharalardyń barlyǵy qazirgi tańda keń baitaq elimizdiń túpkir-túpkirinde oryndalyp jatyr. Qarapaiym halyqqa óz quqyqtary túsindirilip, jemqorlyqtyń túbi jaqsylyqqa aparmaitynyn elimizdiń ár azamatynyń jastaiynan sanasyna sińirýde. Biz de óz kezegimizde búgingi egilgen dánniń erteń órken jaiyp ósetinine senetinimizdei, bul sharalardyń da nátijesi bolatynyna senimimiz kámil.
Iá, bizdiń elimizdiń bar túpkirinde jemqorlyqqa qarsylyqty óziniń azamattyq boryshy sanaityn ulaǵatty urpaq ósip keledi.
QR Ulttyq murajaiynyń baspasóz qyzmetkeri
Dosjan Ysqaqov
.jpeg)