Qazaqstanda jemqorlyq týraly habarlaǵan adamǵa nemese osy sipattaǵy qylmystyń betin ashýǵa septesken azamattarǵa qandai qoldaý bar?
Bul suraqqa Sybailas jemqorlyqqa qarsy is-qimyl agenttiginiń ákimshilik-quqyqtyq departamentiniń direktory Aigúl Bazarbaeva jaýap berdi, dep habarlaidy QazAqparat.
«Jemqorlyq týraly habarlaǵan adamdy nemese osy sipattaǵy qylmystyń betin ashýǵa septesken azamattardy kótermeleý – sybailas jemqorlyqqa qarsy kúres mehanizmderiniń biri sanalady. Memleket basshysynyń tapsyrmasymen jemqorlyq faktisi týraly azamattardy kótermeleýdiń júiesi bekitildi. Azamattardy kótermeleýdiń saralanǵan jańa júiesi engizildi. Qazirgi tańda jemqorlyq týraly habar bergen adam sol qylmys barysynda anyqtalǵan somanyń 10 paiyzyna ie bolady. Tipti qylmys barysyndaǵy aqsha kólemi 1000 AEK bolsa da habarlaǵan adam óz úlesin alady. Iaǵni 5 mln teńgeniń qylmysy týraly habarlaǵan adamǵa 500 myń teńge beriledi», - dedi ol agenttiktiń onlain rejimdegi baspasóz máslihatynda.
Onyń aitýynsha, jemqorlyq týraly habarlaǵan adamdy qorǵaý tetikteri de qarastyrylǵan. «Sybailas jemqorlyqqa qarsy kúres týraly» zańǵa sáikes osy qylmys týraly habar bergen azamat aqshalai kótermeleýmen qamtamasyz etilip qana qoimai, memlekettiń qorǵaýyna alynady. Ol kisi týraly aqparat memlekettik qupiiaǵa jatady.
Aita ketsek jemqorlyq jaǵdaiymen betpe-bet kelgen adam 1424 nómirine habarlasýyna bolady.
