قازاقستاندا جەمقورلىق تۋرالى حابارلاعان ادامعا نەمەسە وسى سيپاتتاعى قىلمىستىڭ بەتٸن اشۋعا سەپتەسكەن ازاماتتارعا قانداي قولداۋ بار?
بۇل سۇراققا سىبايلاس جەمقورلىققا قارسى ٸس-قيمىل اگەنتتٸگٸنٸڭ ەكٸمشٸلٸك-قۇقىقتىق دەپارتامەنتٸنٸڭ ديرەكتورى ايگٷل بازارباەۆا جاۋاپ بەردٸ, دەپ حابارلايدى قازاقپارات.
«جەمقورلىق تۋرالى حابارلاعان ادامدى نەمەسە وسى سيپاتتاعى قىلمىستىڭ بەتٸن اشۋعا سەپتەسكەن ازاماتتاردى كٶتەرمەلەۋ – سىبايلاس جەمقورلىققا قارسى كٷرەس مەحانيزمدەرٸنٸڭ بٸرٸ سانالادى. مەملەكەت باسشىسىنىڭ تاپسىرماسىمەن جەمقورلىق فاكتٸسٸ تۋرالى ازاماتتاردى كٶتەرمەلەۋدٸڭ جٷيەسٸ بەكٸتٸلدٸ. ازاماتتاردى كٶتەرمەلەۋدٸڭ سارالانعان جاڭا جٷيەسٸ ەنگٸزٸلدٸ. قازٸرگٸ تاڭدا جەمقورلىق تۋرالى حابار بەرگەن ادام سول قىلمىس بارىسىندا انىقتالعان سومانىڭ 10 پايىزىنا يە بولادى. تٸپتٸ قىلمىس بارىسىنداعى اقشا كٶلەمٸ 1000 اەك بولسا دا حابارلاعان ادام ٶز ٷلەسٸن الادى. ياعني 5 ملن تەڭگەنٸڭ قىلمىسى تۋرالى حابارلاعان ادامعا 500 مىڭ تەڭگە بەرٸلەدٸ», - دەدٸ ول اگەنتتٸكتٸڭ ونلاين رەجيمدەگٸ باسپاسٶز مەسليحاتىندا.
ونىڭ ايتۋىنشا, جەمقورلىق تۋرالى حابارلاعان ادامدى قورعاۋ تەتٸكتەرٸ دە قاراستىرىلعان. «سىبايلاس جەمقورلىققا قارسى كٷرەس تۋرالى» زاڭعا سەيكەس وسى قىلمىس تۋرالى حابار بەرگەن ازامات اقشالاي كٶتەرمەلەۋمەن قامتاماسىز ەتٸلٸپ قانا قويماي, مەملەكەتتٸڭ قورعاۋىنا الىنادى. ول كٸسٸ تۋرالى اقپارات مەملەكەتتٸك قۇپيياعا جاتادى.
ايتا كەتسەك جەمقورلىق جاعدايىمەن بەتپە-بەت كەلگەن ادام 1424 نٶمٸرٸنە حابارلاسۋىنا بولادى.
