QR Sybailas jemqorlyqqa qarsy is-qimyl agenttigi Preventsiia departamentiniń basshysy Anar Jarova sybailas jemqorlyqqa beiim salalardy atady, dep habarlaidy "Ult aqparat".
«Quqyqtyq statistika organdarynyń málimdeýinshe, 2019 jyly sybailas jemqorlyq qylmystary úshin 1002 adam sottaldy, bul 2018 jylǵy kórsetkishten 7%-ǵa az. Olardyń arasynda ortalyq memlekettik organdardyń qyzmetshileri (515), jergilikti atqarýshy organ qyzmetkerleri (261), kvazimemlekettik sektorda (37) jáne ózge de tulǵalar (189) bar», - dedi Anar Jarova agenttiktiń baspasóz ortalyǵynda ótken brifingte.
Onyń aitýynsha, ortalyq memlekettik organdar ishinde alǵashqy bestikke Ishki ister (297), Qarjy (49), Qorǵanys (29), Indýstriia jáne infraqurylymdyq damý (20) jáne Aýyl sharýashylyǵy (19) ministrlikteri kiredi.
«Bul qylmystar atalǵan ministrlikterdiń aýmaqtyq bólimshelerinde nemese vedomstvolyq baǵynyshty uiymdarynda jasalǵan», - dedi Anar Jarova.
Buǵan deiin agenttiktiń Ákimshilik-quqyqtyq departamenttiń bas sarapshysy Erik Bishibekov jemqorlyq týraly habarlaǵan adamdarǵa syiaqy tóleý qaǵidalaryn túsindirgen edi.
