Elorda men Pavlodar aralyǵyn jalǵaityn avtoban biyl jeltoqsannyń basynda tolyqtai paidalanýǵa beriledi. Bul týraly «QazAvtoJol» UK» AQ basqarma tóraǵasy Ulan Álipov málim etti, dep habarlaidy "Ult aqparat".
«Jaqynda ǵana Pavlodarǵa baryp keldim. Osy baǵytta bizde tórt ýchaske bar. Biyl olar tolyqtai ashylady. Shiderti mańyndaǵy kópirde atqarylatyn jumystar qaldy. Bir jaǵynda balkalar ornatyldy, al ekinshi jaǵyndaǵy balkalardy aldaǵy apta qoiamyz. 1 jeltoqsanda qozǵalysty tolyq ashamyz. Qazirgi kezde tórt jolaq boiynsha jol bar, tek osy kópirdi ainalyp ótý joly ǵana qalyp otyr», - dedi U. Álipov Úkimet úiinde ótken baspasóz máslihatynda.
Budan buryn habarlanǵandai, biyl sáýir aiynda «QazAvtoJol» kompaniiasyna «Nur-Sultan-Pavlodar» tas joly 2019 jyly tolyǵymen paidalanýǵa beriletinin málimdegen bolatyn.
