Jeltoqsan qaharmandary Táýelsizdikti bir taban jaqyndatqany anyq. Bul týraly Táýelsizdiktiń 30 jyldyǵyna arnalǵan saltanatty is-shara barysynda QR Prezidenti Qasym-Jomart Toqaev aitty, dep habarlaidy QazAqparat.
«Keshegi Jeltoqsan qaharmandary Táýelsizdikti bir taban jaqyndatqany anyq. Asqar taý alystaǵan saiyn asqaq kórinedi. Bizdiń babalarymyz qazaqtyń derbes memleket quryp, erkin ómir súrýge quqyly ekenin tarih aldynda dáleldedi. Osylaisha, myńjyldyqtar toǵysatyn tusta Azattyq týy kógimizde jelbiredi. Ulttyń eń uly muraty – Táýelsizdikke qol jetkizdik. Sol sátten bastap Qazaq eliniń uly kóshi bolashaqqa bet túzedi. Halqymyz óz memleketin qurýǵa kiristi. Bul – tarihi ádildiktiń ornaýy», - dep atap ótti QR Prezidenti.
