Almaty oblysy Eskeldi aýdanyna qarasty Qarabulaq aýylyndaǵy Shoqan Ýálihanov atyndaǵy mekteptiń 7-synyp oqýshylary álimjettik kórgenderin aityp shaǵymdanýda. Jergilikti politsiia oqiǵany baqylaýyna aldy, dep habarlaidy "Ult aqparat".
«Bizdi dúkenge jelim alyp kelýge jiberedi. Tipti bizge dúken satýshysynyń ózi jelim iiskep júrsińder me, tártip saqshylaryn shaqyramyn dep eskertý jasady. Barlyq dúkendi, sol satýshyny kórsetip bere alamyn. Joǵary synyptyń balalary pakettiń ishine jelimdi quiady da, aýzymen úrlep, iiskeidi. Sodan keiin ishimdik ishken adamsha teńseledi. Bizdi qinady. Otyrǵyzyp, turǵyzyp, bárin jasatty. Bizden aqsha suraidy»,- dedi Nursultan esimdi 7-synyp oqýshysy.
Nursultannyń synyptasy da 11 synyptyń balalary ony jelim alyp kelýge dúkenge jibergenin jetkizdi. Ol da joǵary synyptyń balalary túrli jattyǵý jasatyp, aqsha suraitynyn jasyrmady. Al joǵary synyptyń oqýshylary bul balalardyń sózderin joqqa shyǵardy. Jelimdi múldem iiskep kórmegenbiz, aqsha suramaǵanbyz, álimjetttik kórsetpedik, barlyǵy jala dedi olar. Kerisinshe, álimjettik kórdik degen oqýshylar «FriFaier» degen oiyn oinaidy, aqshany sonda jumsaidy dep ózderin aiyptady. Al aiǵai-shý bolyp jatqan Eskeldi aýdanyndaǵy Shoqan Ýálihanov atyndaǵy mekteptiń direktory mundai sumdyqty birinshi ret estigenin aitady.
«Birinshi ret estip turmyn. Jelim iiskeý, ondai jaǵdai joq, bizde», - deidi Shoqan Ýálihanov atyndaǵy mekteptiń direktory Ákimbek Buldahanuly.
Balalarymnyń taǵdyryna alańdaimyn degen Nursultannyń anasy osy mektepte oqityn úsh balasyn da basqa mektepke ornalastyrmaq. Birden kitaptaryn ótkizýge kirisipti. Al Shoqan Ýálihanov atyndaǵy mekteptiń qazaq tili men ádebiet pániniń muǵalimi nege ekeni belgisiz jýrnalisterdiń jumys jasaýyna kedergi keltirip, kamerasyn da syndyryp tastai jazdady.
Al Almaty oblystyq Politsiia pepartamentiniń baspasóz qyzmetiniń málimetinshe, mekteptegi álimjettik boiynsha QR QK 194 baby 2 tarmaǵy (adamdar tobynyń aldyn ala sóz bailasýymen) iaǵni, «Qorqytyp alý» baby boiynsha sotqa deiingi tergeý amaldarynyń bastalǵanyn málimdedi. Atalǵan fakti Politsiia departamentiniń baqylaýyna alyndy.
