Áleýmettik jelige pornografiialyq fotosýretterin jariialaǵan Kókshetaý qalasynyń 24 jastaǵy turǵyny anyqtalyp, ústinen qylmystyq is qozǵaldy, dep habarlaidy "Ult aqparat" Aqmola oblystyq Politsiia departamentiniń baspasóz qyzmetine silteme jasap.
Vedomstvonyń málimetinshe, 9-11 aqpan aralyǵynda oblys aýmaǵynda aqparattyq tehnologiialardy paidalana otyryp jasalǵan quqyq buzýshylyqtarǵa qarsy kúreske baǵyttalǵan «Anti-fraud» jedel aldyn alý sharasy ótti. Sharanyń basty maqsaty – áleýmettik jelilerde pornografiialyq sipattaǵy fotolardyń taralý faktileriniń jolyn kesý. Osy rette, aqpannyń 10-da «VKontakte» áleýmettik jelisindegi internet-resýrstarǵa monitoring júrgizý barysynda belgisiz bireýdiń búrkenshik atpen Kókshetaý qalasynyń aýmaǵynda pornografiialyq sipattaǵy fotosýretterdi taratýmen jáne jarnamalaýmen ainalysyp júrgendigi anyqtaldy.
«Jedel-izdestirý sharasy barysynda Kókshetaý qalalyq PB jedel kriminaldy bólimshesiniń qyzmetkerleri Kókshetaý qalasynyń 24 jastaǵy turǵynyn anyqtady. Ol óz kinásin moiyndady. Anyqtalǵandai, ol óziniń jeke pornografiialyq fotosýretterin jelige ornalastyrǵan. Osylaisha ol qyzdardyń nazaryn ózine aýdarǵysy kelipti», - dedi vedomstvodan.
Qazirgi kezde, er adamnyń ústinen Qylmystyq kodekstiń 311 baby «pornografiialyq materialdardy nemese zattardy zańsyz taratý» boiynsha sotqa deiingi tergeý sharalary júrgizilýde.
