Qaraǵandy oblysynda júrgizýshi men politseiler arasyndaǵy janjal videoǵa túsirildi. Politsiia departamentiniń baspasóz qyzmeti jaǵdaiǵa qatysty túsinik berdi, - dep habarlaidy Tengrinews.kz tilshisi.
Video áleýmettik jelilerde jariialandy. 21 sekýndtyq rolikte júrgizýshiniń politseilerdi túsirip turǵanyn kórýge bolady. Al oǵan quqyq qorǵaý organdarynyń qyzmetkeri beiádep jaýap beredi.
Qaraǵandy oblysy politsiia departamentiniń baspasóz qyzmeti ókilderi oqiǵa 14 qazanda bolǵanyn habarlady.
"Saǵat shamamen 07.45-te Saryshaǵan aýyly mańyndaǵy Priozersk - Balqash avtojolynda Toyota Alphard avtokóliginiń 44 jastaǵy júrgizýshisi jyldamdyqty asyryp, kólikterdi basyp ozyp, qarsy qozǵalys jolaǵyna shyǵyp ketedi, osylaisha Priozersk qalasyna qyzmetine bara jatqan, politsiia qyzmetkerleri otyrǵan Toyota Camry avtokóligimen avariialyq jaǵdai týǵyzdy.
Toyota Camry avtokóliginiń júrgizýshisi burylyp, tártipbuzýshyny toqtatty. Jaǵdaidy anyqtaý barysynda Toyota Alphard kóliginiń júrgizýshisi politsiia qyzmetkerlerin uialy telefonǵa túsirý arqyly ekpinmen sóileýge itermeledi", - dep habarlady vedomstvo ókilderi.
Sondai-aq, baspasóz qyzmetindegiler politseiler men olardyń basshylary ádep normalaryn buzǵany jáne tártip buzýshyǵa ýaqytyly shara qoldanbaǵany úshin tártiptik jaýapqa tartylǵanyn aitty.
