قاراعاندى وبلىسىندا جٷرگٸزۋشٸ مەن پوليتسەيلەر اراسىنداعى جانجال ۆيدەوعا تٷسٸرٸلدٸ. پوليتسييا دەپارتامەنتٸنٸڭ باسپاسٶز قىزمەتٸ جاعدايعا قاتىستى تٷسٸنٸك بەردٸ, - دەپ حابارلايدى Tengrinews.kz تٸلشٸسٸ.
ۆيدەو ەلەۋمەتتٸك جەلٸلەردە جارييالاندى. 21 سەكۋندتىق روليكتە جٷرگٸزۋشٸنٸڭ پوليتسەيلەردٸ تٷسٸرٸپ تۇرعانىن كٶرۋگە بولادى. ال وعان قۇقىق قورعاۋ ورگاندارىنىڭ قىزمەتكەرٸ بەيەدەپ جاۋاپ بەرەدٸ.
قاراعاندى وبلىسى پوليتسييا دەپارتامەنتٸنٸڭ باسپاسٶز قىزمەتٸ ٶكٸلدەرٸ وقيعا 14 قازاندا بولعانىن حابارلادى.
"ساعات شامامەن 07.45-تە سارىشاعان اۋىلى ماڭىنداعى پريوزەرسك - بالقاش اۆتوجولىندا Toyota Alphard اۆتوكٶلٸگٸنٸڭ 44 جاستاعى جٷرگٸزۋشٸسٸ جىلدامدىقتى اسىرىپ, كٶلٸكتەردٸ باسىپ وزىپ, قارسى قوزعالىس جولاعىنا شىعىپ كەتەدٸ, وسىلايشا پريوزەرسك قالاسىنا قىزمەتٸنە بارا جاتقان, پوليتسييا قىزمەتكەرلەرٸ وتىرعان Toyota Camry اۆتوكٶلٸگٸمەن اۆارييالىق جاعداي تۋعىزدى.
Toyota Camry اۆتوكٶلٸگٸنٸڭ جٷرگٸزۋشٸسٸ بۇرىلىپ, تەرتٸپبۇزۋشىنى توقتاتتى. جاعدايدى انىقتاۋ بارىسىندا Toyota Alphard كٶلٸگٸنٸڭ جٷرگٸزۋشٸسٸ پوليتسييا قىزمەتكەرلەرٸن ۇيالى تەلەفونعا تٷسٸرۋ ارقىلى ەكپٸنمەن سٶيلەۋگە يتەرمەلەدٸ", - دەپ حابارلادى ۆەدومستۆو ٶكٸلدەرٸ.
سونداي-اق, باسپاسٶز قىزمەتٸندەگٸلەر پوليتسەيلەر مەن ولاردىڭ باسشىلارى ەدەپ نورمالارىن بۇزعانى جەنە تەرتٸپ بۇزۋشىعا ۋاقىتىلى شارا قولدانباعانى ٷشٸن تەرتٸپتٸك جاۋاپقا تارتىلعانىن ايتتى.
