Qazaqstannyń bilim jáne ǵylym ministrligi mektepterde oqýshylardyń biometriialyq málimetterin zańsyz jinap jatqany týraly qaýesetti joqqa shyǵardy, dep habarlaidy stopfake.kz.
Mektepterde ata-analardyń kelisiminsiz biometriialyq derekterdi jinap jatqany jáne oqýshylardy belgisiz baǵytta alyp ketetini jaily habarlama qazaqstandyqtardyń alańdaýshylyǵyn týǵyzdy.
Áleýmettik jelilerde taraǵan habarlamada ata-analarǵa balalaryn muǵalimderden jasyrynýǵa úiretýge keńes berilgen. Onda mektepterde balalardyń biometriialyq málimetteri zańsyz jinalatyny jáne sabaq kezinde oqýshylardy belgisiz baǵytta alyp ketýi múmkin ekeni aitylǵan. Bilim ministrligi bul aqparattyń shyndyqqa janaspaitynyn málimdedi.
"Balaǵa qatysty barlyq is-áreket ata-analarmen kelisilýi kerek. Bul rette sabaq kezinde qandai da bir is-sharalar ótkizýge jol berilmeidi. Biometriialyq derekterge kelsek, bul jeke málimet bolyp sanalady. Pedagogtarǵa olardy jinaýdyń qajeti joq", - dedi vedomstvodan.
Qazaqstanda jalǵan aqparat taratqany úshin Qylmystyq kodekstiń 274-babyna sáikes qylmystyq jaýapkershilik qarastyrylǵan.
