Áleýmettik jelide «Aqtaý ústinen tikushaqtar virýs shashady» degen habarlama jariialandy. Bul teoriiany QR Qorǵanys ministrligi joqqa shyǵardy, dep habarlaidy Stopfake.kz.
– Áskeri daiarlyq josparyna sáikes, aptasyna birneshe ret barlyq aviatsiialyq bazalarda ushý daǵdylary men kásibi sheberlik deńgeidi qoldaýǵa baǵyttalǵan oqý-jattyǵý ushýlary ótkiziledi. Ushýlar tańerteń erte bastalady jáne aýa temperatýrasy +35 gradýstan joǵary kóterilgende aiaqtalady. Sondai-aq ushý quramyn daiarlaý baǵdarlamasynda túngi ushýlar qarastyrylǵan. Áýejai Aqtaý qalasyna tikelei jaqyn ornalasqandyqtan, ushý marshrýtynyń bir bóligi qala aýdandaryna jaqyn ornalasqan, – delingen ministrliktiń resmi jaýabynda.
Sondai-aq, áskeri ushaqtar men tikushaqtar qandai da bolmasyn suiyqtyq shashý úshin qajetti arnaiy aspaly júiemen jabdyqtalmaǵan. QR QK ÁQK ÁÁK ieliginde bar aspaly júieler tek qana sýmen toltyrýǵa arnalǵan jáne olarǵa basqa suiyqtyqtardy quiý múmkin emes.
Bul júieler órt sóndirý kezinde qol jetpeitin jerlerde dala, orman órtterin sóndirý úshin qoldanylady.
Ushaqtar men tikushaqtardan ý shashý teoriiasy qastandyq teoriiasyn jaqtaýshylar arasynda keńinen taralǵan. Alaida jyldar boiy oǵan rastaý tabylǵan joq.
