Almatyda er adam politsiia qyzmetkerlerine kózdi ashytatyn burysh búrikkish qoldandy, dep habarlaidy "Ult aqparat".
«7 jeltoqsanda ýchaskelik politsiia inspektorlary, sondai-aq iývenaldy politsiia inspektorlary sot sheshimin oryndaý maqsatynda ishki ister organy qyzmetkerleri, sot oryndaýshysy jáne qorǵanshylyq jáne qamqorshylyq organynyń ókilimen birge 2016 jyly týǵan kámeletke tolmaǵan qyzdy 1994 jyly týǵan anasynyń úiine aparý maqsatynda barǵan. Osy kezde úide balanyń 1954 jylǵy atasy bolǵan. Ol politsiia qyzmetkerlerine tap berip, jeke sot oryndaýshylaryna burysh búrikkishin qoldanǵan», - deidi Naýryzbai aýdandyq politsiia bóliminiń bastyǵy, politsiia podpolkovnigi Didar Ahanov.
Almaty qalalyq Politsiia departamenti atalǵan er adam QR Qylmystyq kodeksiniń 380-baby, 1-bólimi boiynsha jaýapqa tartylǵanyn aitty. Bul jaǵdai boiynsha Almaty qalalyq Politsiia departamenti is júrgizedi.
