Jelide mektepke qabyldaý týraly ótinishte "ana" men "áke" sózderi "birinshi ata-ana" jáne "ekinshi ata-ana" bolyp aýystyryldy degen feik tarady. Bul týraly stopfake.kz portaly habarlady.
Qaznet paidalanýshylarynyń aitýynsha, biyl balany mektepke qabyldaý týraly ótinish nysanynda «anasynyń JSN» jáne «ákesiniń JSN» jazylatyn joldarǵa «birinshi ata-ananyń JSN» jáne «ekinshi ata-ananyń JSN» dep jazylǵan. Bul - jalǵan aqparat.
QR Bilim jáne ǵylym ministrligi bul aqparatty joqqa shyǵardy. Vedomstvonyń habarlaýynsha, balany mektepke qabyldaý týraly ótinishte ata-anasynyń bireýiniń ǵana JSN-in kórsetý qajet.
– Aqparat shyndyqqa janaspaidy. Ata-analar nómirlenbegen. Qujattardy toltyrý kezinde burynǵydai «ata-ana» nemese «zańdy ókil» dep jazylady», – dep túsindirdi ministrliktiń baspasóz qyzmeti.
Demek, Qazaqstanda «ana» jáne «áke» sózderi «birinshi ata-ana» jáne «ekinshi ata-ana» sózderimen almastyrylatyny týraly aqparat feik bolyp tabylady.
