Batys Qazaqstan oblysynyń Báiterek aýdanynyń ákimi Marat Toqjanov 1,5 saǵat boiy ótken jinalysta qyzmetkerlerine bylapyt sózder aitqan. 1 saǵat 20 minýttyq aýdioda ákim "b..." sózin 71 ret, "n...i" sózin 73 ret aitqan, - dep habarlaidy Tengrinews.kz agenttigi "Ýralskaia nedelia" basylymyna silteme jasap.
Basylym málimetinshe, Toqjanov bul oqiǵa biyl naýryzda aýdandy sý basý qaýpi bolyp turǵan kezde bolǵanyn aitqan.
Jinalysta Toqjanov apparat qyzmetkerleri men aýyl ákimderin óńirdi sý basý qaýpi boiynsha esep berýin talap etken. Ol óńir ákimderin aimaqty sý basý qaýpi turǵanda olar rezeńke aiaqkiimmen júrýdiń ornyna týflimen júrgenin, tehnikaǵa qajet 10 litr dizel otynyn taba almai júrgenin jáne apparat qyzmetkerlerin qujat tapsyrý merzimine sai úlgermei jatqanyn aityp synaǵan. Zeinetke shyǵýyna birneshe kún qalǵan jaǵdaida da qyzmetkerlerdi jumystan shyǵaryp jiberetinin aityp sókken.
