Jelide Kemerovodaǵy órt kezindegi alasapyrannyń videosy shyqty. Baqylaý kameralaryna túsirilgen videony órt kezinde qaryndasy, áieli jáne úsh balasynan aiyrylǵan Igor Vostrikov jariialady, dep jazady Sputnik Kazakhstan agenttigi.
Vostrikovtyń aitýynsha, buryn Jelide osy videonyń qysqartylǵan nusqasy paida bolǵan. Birinshi fragmentte adamdardyń qashyp, ǵimarattan shyǵýa tyrysyp jatqany túsirilse, ekinshi kadrda – tar baspaldaqtaǵy alasapyran.
"Mynaý ne sumdyq. Tómenge túsýdiń eki-aq joly bolǵan", — deidi Vostrikov videoǵa qatysty pikirimen bólisip.
25 naýryzda Kemerovodaǵy "Zimniaia vishnia" saýda ortalyǵynda órt shyǵyp, saldarynan 64 adam ajal qushty. Qaiǵyly oqiǵa kezinde Igor Vostrikovtyń áieli Elena, jeti jasar qyzy Anna, bes jasar uly Artem, eki jasar uly Roman men qaryndasy Alena qaza tapqan.
