Florida shtatynda Planteishn qalasyndaǵy saýda alańynda senbi kúni joiqyn jarylys boldy, dep habarlaidy VVS.
Bul aýmaqta birneshe dúkender men meiramhanalar ornalasqan.
Politsiianyń derekterine qaraǵanda, 22 adam jaraqat alǵan, olarǵa qalalyq aýrýhanalarda kómek kórsetildi. Ómirlerine esh qaýip tónip turǵan joq.
Politsiia jergilikti turǵyndarǵa ázirshe saýda úiine barmaýǵa shaqyrdy. Óitkeni jarylys sebebi belgisiz. Qirandylar arasynda birneshe gaz turbasynyń bólikteri jatyr. Oqiǵa ornyna iisshil itter ákelindi.
Órt qyzmetiniń basshysy jarylys sebebi ázirge belgisiz ekenin málimdedi.
Jarylystyń qýatty bolǵany sonshalyq, jergilikti turǵyndardyń aitýynsha, onyń dybysy birneshe shaqyrymnan estilgen.
