Memlekettik tehnikalyq qyzmet mamandary zaimer.kz mikroqarjy uiymynyń klientteri sanalatyn qazaqstandyqtardyń jeke derekteri jariialanyp ketkenin anyqtady. Bul týraly "Ult aqparat" Stan.kz aqparat agenttigine silteme jasap habarlaidy.
Barlyǵy Robo.finance platformasynda jumys isteitin mikroqarjy uiymdary klientteriniń 36 millionnan astam derekteri anyqtaldy (Resei – 23,6 million (zaimer.ru – 16,8 million, adengi.ru – 6,8 million); Filippin – 5 million (digido.ph); Vetnam – 2 million (vietloan.vn).
Memlekettik keden qyzmeti de syrtqa shyqqan málimetterge taldaý jasady. Klientterdiń jeke basyn anyqtaǵan kezde olarǵa EgovMobile mobildi qosymshasynda tiisti habarlamalar jiberiletini atap ótildi.
Basqarma Qazaqstannyń derbes derekter jáne olardy qorǵaý týraly zańnamasynyń talaptaryn buzý ákimshilik jáne qylmystyq jaýapkershilikti kózdeitinin qosty.
"Tikelei osy faktige súiene otyryp, qazaqstandyqtardyń jeke deregi tarap ketken derekter bazasynyń operatorlaryn jospardan tys tekserý josparlanyp otyr.
Júrgizilgen tekserýler nátijeleri boiynsha derekter bazasynyń operatorlaryna qatysty zańnama talaptaryn buzýshylyqtar, quqyq buzýshylyqtyń sýbektisi men quramy anyqtalǵan jaǵdaida buzýshylyqtardy joiý týraly uiǵarym shyǵarylady. Sondai-aq sanatyna qarai 100-den 1000 AEK mólsherinde ákimshilik aiyppul salynady", – delingen habarlamada.
Tsifrlyq damý, innovatsiialar jáne aeroǵarysh ónerkásibi ministrligi jeke derekterdiń taralýyna jaýapkershilikti kúsheitý sharalaryn qabyldap jatyr.
