Foto: instagram.com/askarzhumabeqov
Áleýmettik jelide tanymal akter Asqar Jumabekovtiń daýly isine qatysty taǵy bir video tarady, - dep habarlaidy Massaget.kz.
11 qazanda Almaty qalasy Bostandyq aýdanynyń №2 aýdandyq soty kelýshilerdi uryp-soqqan karaoke bar qyzmetkerleri K., T., S., R., N., jáne K.-ǵa qatysty qylmystyq isti qaraǵan bolatyn. Olardyń ishinde akter Asqar Jumabekov te bar.
Sot málimetinshe, byltyr 28 jeltoqsanda qaladaǵy karaoke barlardyń birinde qonaqtar men mekeme qyzmetkerleri arasynda janjal shyqqan. Keiin janjal tóbeleske ulasqan. Mekeme kúzetshileri men didjeileri, sondai-aq, barda bolǵan olardyń tanystary jábirlenýshilerdi uryp-soǵa bastaǵan. Jábirlenýshiler oqiǵa ornynan qashyp ketpek bolǵan. Alaida sottalýshylar olardy kóshede qýyp jetken. Tóbeles kezinde sottalýshylardyń biri pyshaq qoldanbaq bolǵan.
Áleýmettik jelide taraǵan videoda jábirlenýshilerdiń biri men akterdiń arasyndaǵy jaǵdai kórinedi. Akter buǵan deiin tóbeleske tikelei qatyspaǵanyn, tek ajyratqanyn aitqan edi. Al bul kadrlardan akter birneshe soqqy jasaǵany da baiqalady.
Aita keteiik, Asqar Jumabekov - qazaqstandyq jas akter. Ol "Aqjaýyn", "Raýza" telehikaialaryna túsken.
