Lada.kz
Qazaqstandyq saýda saittarynyń birinde Aqtaýdaǵy jaǵajaidyń bir bóligi satylatyny týraly habarlandyrý jariialandy, - dep habarlaidy Tengrinews.kz tilshisi.
Aqtaýdaǵy Kaspii teńizi jaǵalaýyndaǵy jer ýchaskesin satý týraly habarlandyrýdyń skrinshotyn bloger Azamat Sársenbaev Instagram jelisindegi paraqshasynda jariialady.
"Satylady. Saýdalasamyz. Villa, biznes ortalyq, joǵary sanatty qonaqúi keshenin salǵyńyz kele me? Bizde teńiz jaǵasynda ornalasqan tamasha jer telimi bar. Kirýge, shyǵýǵa ynǵaily, barlyq qujattary bar. Kez kelgen ýaqytta qońyraý shalyńyz, kórsetýge daiynmyn", - delingen saitta jariialanǵan habarlandyrýda.
Aqtaý ákimdigi bul jer ýchaskesi jekemenshik ekenin, biraq saitta jariialanǵan aqparat shyndyqqa janaspaitynyn aitty.
"4A shaǵynaýdanynda ("Karvon" meiramhanasynyń janynda) ornalasqan jer ýchaskesi 2007 jyly jeke tulǵanyń atyna resimdelgen. 2020 jyl 5 shildedegi satyp alý-satý shartyna sáikes jekemenshik quqyǵynda. Aqtaýdyń bas josparyna sáikes atalǵan jer ýchaskesi sport mekemesiniń aýmaǵy retinde qarastyrylǵan. Bul aýmaqqa sporttyq-saýyqtyrý ortalyǵyn salý kózdelgen. Osyǵan bailanysty nysanaly maqsatty ózgertý múmkin emes", - dep habarlady ákimdik ókili.
