Foto: Lada.kz
Jelide Aqtaýdaǵy páterde bolǵan jarylystyń sýretteri tarady, - dep habarlaidy Tengrinews.kz agenttigi lada.kz saityna silteme jasap.
Oqiǵa ornynan túsirilgen kadrlardy kýáger basylym redaktsiiasyna joldaǵan. Sýretterden páter, podez qanǵa boialǵanyn kórýge bolady.
Eske salaiyq, senbi 27-shaǵynaýdandaǵy №46 úide jarylys bolǵany habarlanǵan edi. Turǵyndardyń aitýynsha, túski ýaqytta páterlerdiń birinen qatty dybys shyqqan.
Jarylystyń ekpininen tereze áinekteri synǵan. Kýágerler oqiǵa saldarynan osy páterde turatyn er adam zardap shekkenin jetkizdi. Ol bir qolynan aiyrylǵan.
Mańǵystaý oblystyq kópsalaly aýrýhanasynyń baspasóz qyzmeti jarylys ornynan 1988 jyly týǵan er adam jetkizilgenin rastady. Ol qazir reanimatsiia bóliminde jatyr.
