Abai oblysyndaǵy tasjolda jantúrshigerlik jol apaty boldy. Kýágerler oqiǵanyń videosyn áleýmettik jelilerde jariialady, - dep habarlaidy Tengrinews.kz agenttigi.
"Pavlodarǵa qarai 140-shaqyrymda. Dál qazir. Sumdyq, jeńil kólik KamAZ astyna kirip ketken", - dep jazylǵan jazbada.
Oqiǵa kýágerleri KamAZ buzylyp, eshqandai eskertý belgilerinsiz, ruqsat etilmegen jerge toqtaǵanyn, júk kóliginiń júrgizýshisi ornynda bolmaǵanyn jazyp jatyr. Jeńil kóliktiń júrgizýshisi tiri qalǵan.
Keiin tasjoldaǵy apatqa qatysty Abai oblystyq PD ókilderi pikir bildirdi. Politseiler jeńil kólik júrgizýshisi tiri qalǵanyn jáne jaraqatpen aýrýhanaǵa jatqyzylǵanyn rastady.
"Abai oblysynyń Politsiia departamenti 2022 jyldyń 24 qarashasynda tańǵy saǵat 7 shamasynda Astana qalasynyń turǵyny Kia markaly avtokóligimen Semeige kele jatqanyn, Omby-Maiqapshaǵai tasjolynyń 702-shaqyrymynda KamAZ kóligimen soqtyǵysqanyn habarlaidy. Oqiǵa saldarynan jeńil kóliktiń júrgizýshisi dene jaraqatymen aýdandyq aýrýhanaǵa jatqyzyldy", - dedi oblystyq PD ókilderi.
Derekke qatysty Qazaqstan Respýblikasy Qylmystyq kodeksiniń 345-baby 2-bóligi boiynsha sotaldy tergeý bastalǵan.
