Ystambulda turatyn qazaqstandyq áiel Qazaqstan men Túrkiiadaǵy memlekettik qyzmet kórsetý sapasynyń aiyrmashylyǵy týraly aitty, - dep habarlaidy Tengrinews.kz tilshisi.
Raýshan Bazarbai Facebook jelisindegi jazbasynda Túrkiianyń memlekettik qyzmet kórsetý júiesiniń erekshelikteri týraly jazǵan.
"Búgin júkti qyzym ekeýmiz Túrkiianyń memlekettik qyzmet kórsetý júiesiniń barlyq "tosynsyiyn" kórdik. Kúni boiy ýaqytym qujat daiyndaýǵa, oilańyzshy, daiyndaýǵa ǵana, dálirek aitsaq, yqtiiarhat ýaqytyn uzartý úshin qujattardy jinaýǵa ketti. Bir keńseden ekinshisine. Bir keńse basqasynan júzdegen qashyqtyqta ekenin eskerińiz. Sondai-aq, keptelister bar. Memlekettik qyzmet kórsetetin bul keńselerdiń bári tek saǵat 9:00-den 16:30-ǵa deiin jumys isteidi.
Ystambuldyń taýly joldarynan únemi aýyryp, júregi ainyp, mazasy ketken qyzym ekeýmiz osyndai elde uiymdastyrýdyń nasharlyǵyna jáne tsifrlandyrýdyń múldem joqtyǵyna tańǵaldyq. Lomtadze myrza, Viacheslav Kim myrza, sizderge Túrkiiaǵa týra jol bar", - dep jazdy áiel.
Sonymen qatar, Raýshan Bazarbai Túrkiiada QR-kod arqyly qyzmet aqysyn tóleý múmkin emesin, elektron qujat ainalymy, elektron tólqujattar men kiltter joqtyǵyn aitady.
"Eń jamany, ár vedomstvo basqasymen bailanyspaidy, bir vedomstvo, biraq ártúrli keńseniń óz erejeleri bar. Bank shotyn ashý - problema, mekenjaiǵa tirkelý - problema, qujatty kýálandyrý taǵy bir problema. Aqshańyz bolsa da sol.
Qazaqstanda bári eGov arqyly, qazir Kaspi arqyly da júzege asady. Bári lezde, ońai jáne qarapaiym, úiińizden shyqpai-aq kóptegen mańyzdy qyzmetti ala alasyz jáne ol tegin! Al munda bárin tóleý kerek. Qujattardy jinaý úshin taksi qyzmetiniń ózine bir kúnde 150 dollar tóledim!", - dep qosty áiel.
Bul rette ol Qazaqstanda úiden shyqpai-aq neke qiiýǵa jáne buzýǵa, kásip ashýǵa, qyzmettiń barlyq túrine litsenziia alýǵa, júrgizýshi kýáligin jańartýǵa, tirkeýge, meditsinalyq anyqtama alýǵa bolatynyn basa aitady.
"Bizde tólqujatty bir kúnde ala alasyz, al Túrkiiada tólqujat alý úshin 1,5-2 ai, tipti 3 ai qajet bolady. Barlyq qazaqstandyq taksi júrgizýshisi men Halyqqa qyzmet kórsetý ortalyǵy qyzmetkerlerin, árqaisyn súiip shyqqym keldi! Al Baǵdat Mýsindi qatty qysyp, qushaqtasa! Biraq Qazaqstanda bolǵanda ony baǵalamaimyz", - dep túiindedi sózin Raýshan Bazarbai.
