Áleýmettik jeli qoldanýshylary Beijińdegi qysqy Olimpiadaǵa qatysatyn Qyrǵyzstan men Qazaqstan quramalarynyń múshelerine tigilgen formany salystyrdy, - dep habarlaidy Tengrinews.kz tilshisi 24.kg saityna silteme jasap.
Áleýmettik jelilerde Beijińge baratyn delegatsiia ókilderiniń saltanatty formasynyń sýretteri jariialandy. Qyrǵyzstandyqtardy onyń stili ǵana emes, túsine de tańǵaldy.
"Aiyrmashylyqty sezip kórińiz", - dep jazǵan qoldanýshylar sýret sipattamasyna.
Eldiń Ulttyq Olimpiada komiteti ókilderi sportshylardyń formasyn Qyrǵyzstan UOK seriktesi - qytailyq Tectop kompaniiasy tegin usynǵanyn habarlady. UOK pen Tectop 2018 jyldan bastap seriktes, al Beijińdegi qysqy Olimpiada oiyndarynyń formasyna 2021 jyldyń jazynda jarystarǵa daiyndyq kezinde tapsyrys berilgen.
Sportshylardyń saltanatty formasy Tokiodaǵy jazǵy Olimpiadada da talqyǵa túsken edi. Qyrǵyzstandyqtarǵa formanyń sporttyq kiimge emes dini qyzmetkerlerdiń dástúrli kiimine uqsaityny unamaǵan bolatyn. Baǵasy da bir jiyntyqqa 95 myń som shyqqan.
Eske salaiyq, Beijińdegi qysqy Olimpiada 4-20 aqpan aralyǵynda ótedi.
