Foto ashyq derekkózden alyndy
Qazaqstanda jekemenshik mektepterde ata-ana tólemaqysynyń shekti mólsheri eki ese tómendetiledi. Tiisti buiryqty Oqý-aǵartý ministrligi daiyndady, dep habarlaidy Sputnik Qazaqstan.
"Jekemenshik bilim berý uiymdarynda balalar úshin oqýdyń qoljetimdiligin arttyrý maqsatynda ata-ana tólemaqysynyń mólsherin 50%-ǵa qysqartý kózdeledi", - dep jazylǵan túsindirme jazbada.
Buiryqqa sáikes, 2024 jyldyń 1 qańtarynan bastap jekemenshik uiymda bilim bergeni úshin tólemaqynyń shekti mólsheri:
• jalpy bilim berý baǵdarlamalary úshin 600 AEK – 2,07 million teńge;
• akkreditteýden ótken derbes ázirlengen integratsiialanǵan bilim berý baǵdarlamalary úshin 1200 AEK – 4,14 million teńge bolady.
Belgilengen baǵaǵa jatyn oryn, oqýshylardy mektepke jetkizý, qosymsha bilim berý qyzmetterin kórsetý, sondai-aq oqýshylardy tamaqtandyrý aqysy kirmeitini atalyp ótken.
Buiryq jobasy "Ashyq NQA" portalynda jariialandy, ol 16 tamyzǵa deiin qoǵamdyq talqylaýda bolady.
