فوتو اشىق دەرەككٶزدەن الىندى
قازاقستاندا جەكەمەنشٸك مەكتەپتەردە اتا-انا تٶلەماقىسىنىڭ شەكتٸ مٶلشەرٸ ەكٸ ەسە تٶمەندەتٸلەدٸ. تيٸستٸ بۇيرىقتى وقۋ-اعارتۋ مينيسترلٸگٸ دايىندادى, دەپ حابارلايدى Sputnik قازاقستان.
"جەكەمەنشٸك بٸلٸم بەرۋ ۇيىمدارىندا بالالار ٷشٸن وقۋدىڭ قولجەتٸمدٸلٸگٸن ارتتىرۋ ماقساتىندا اتا-انا تٶلەماقىسىنىڭ مٶلشەرٸن 50%-عا قىسقارتۋ كٶزدەلەدٸ", - دەپ جازىلعان تٷسٸندٸرمە جازبادا.
بۇيرىققا سەيكەس, 2024 جىلدىڭ 1 قاڭتارىنان باستاپ جەكەمەنشٸك ۇيىمدا بٸلٸم بەرگەنٸ ٷشٸن تٶلەماقىنىڭ شەكتٸ مٶلشەرٸ:
• جالپى بٸلٸم بەرۋ باعدارلامالارى ٷشٸن 600 اەك – 2,07 ميلليون تەڭگە;
• اككرەديتتەۋدەن ٶتكەن دەربەس ەزٸرلەنگەن ينتەگراتسييالانعان بٸلٸم بەرۋ باعدارلامالارى ٷشٸن 1200 اەك – 4,14 ميلليون تەڭگە بولادى.
بەلگٸلەنگەن باعاعا جاتىن ورىن, وقۋشىلاردى مەكتەپكە جەتكٸزۋ, قوسىمشا بٸلٸم بەرۋ قىزمەتتەرٸن كٶرسەتۋ, سونداي-اق وقۋشىلاردى تاماقتاندىرۋ اقىسى كٸرمەيتٸنٸ اتالىپ ٶتكەن.
بۇيرىق جوباسى "اشىق نقا" پورتالىندا جارييالاندى, ول 16 تامىزعا دەيٸن قوعامدىق تالقىلاۋدا بولادى.
