Jekemenshik balbaqshalarǵa litsenziialaý talaptary joǵary bolmaidy. Bul týraly QR Oqý-aǵartý ministri Ashat Aimaǵambetov aitty, dep habarlaidy QazAqparat.
«Litsenziia berý – mektepke deiingi bilim sapasyn qamtamasyz etýdiń mańyzdy quraly bolǵanymen, jalǵyz tetigi emes. Biz pedagogterdiń biliktiligin arttyrý, jan basyna qarjylandyrýdy damytý, baǵdarlamalardy jetildirý jáne basqa da jumystardy júrgizip jatyrmyz. Qazirgi ýaqytta elimizde mektep, kolledj, joǵary oqý oryndary deńgeii boiynsha litsenziia berý bar. Mysaly, sońǵy úsh jylda jekemenshik mektepterdiń sany birneshe ese ósti. Ol neni bildiredi? Ol litsenziia berýdiń jekemenshik mektepter ashý úshin eshqandai da kedergisi joq ekenin jáne talapty oryndaýǵa bolatynyn bildiredi. Sondyqtan biz dál osy tártipti endi balabaqshalarǵa qaitadan engizip jatyrmyz. Balabaqshalardyń quryltaishylary men ielerine dúrligip, qorqýdyń qajeti joq. Sebebi elimizdegi barlyq balabaqsha bir kúnde nemese bir aida litsenziia berý tártibinen ótedi dep aityp jatqanymyz joq. Birinshi kezekte jańadan ashylyp jatqan jekemenshik, memlekettik balabaqshalar litsenziia alady. Kelesi kezeńde táýekeli kóp uiymdarǵa litsenziia berý jumysy júrgiziledi», - dedi Ashat Aimaǵambetov.
Ministrdiń atap ótýinshe, balabaqshalar birlestikteriniń basym kópshiligi litsenziia berý júiesin qaita engizýdi qoldap otyr. Sebebi sapasyz balabaqshalar men balalardy uryp-soǵý faktilerin eshkim joqqa shyǵara almaidy. Balabaqsha quryltaishylary balalardyń múddesin birinshi orynǵa qoiyp, barynsha ashyq, ádil jáne barlyǵyna birdei múmkindik bolǵanyn durys dep sanaidy.
«Litsenziia talaptary joǵary bolmaidy. Eger balabaqsha osy minimaldy talaptarǵa sáikes keletin bolsa, onda qiyndyqsyz, óte qysqa merzimde, elektrondy formatta litsenziia alady. Sondyqtan bul aitarlyqtai úlken másele týǵyzbaidy. Bizdiń múddemiz – balalardy sapaly balabaqshamen qamtý», - dedi Oqý-aǵartý ministri.
