Foto: Pexels.com
Premer-ministr Oljas Bektenov jeke tulǵalardyń basym bóligin kiristeri men múlki týraly mindetti deklaratsiia tapsyrýdan bosatý týraly Qarjy ministrliginiń usynysyn qoldady, dep habarlaidy Ult.kz.
Qazirgi tańda 4,8 million adam deklaratsiia tapsyrýda, onyń ishinde memlekettik qyzmetshiler, kvazimemlekettik sektor ókilderi men olardyń jubailary bar. Buǵan deiin 2025 jyldan bastap barlyq azamattarǵa deklaratsiia tapsyrý mindettelgen edi. Alaida, halyqtyń alańdaýshylyǵyn eskere otyryp, qalǵan 8 millionǵa jýyq azamatty deklaratsiiadan bosatý týraly sheshim qabyldandy.
Deklaratsiia tek shetelde aktivteri bar, 74 million teńgeden asatyn satyp alýlar jasaǵan nemese derbes tabys alǵan tulǵalar úshin saqtalady. Qalǵan azamattarǵa erikti túrde deklaratsiia tapsyrý quqyǵy beriledi.
"Búgingi tańda memlekettik organdardyń derekter bazasy barynsha tsifrlandyrylǵan. Qarjylyq jáne valiýtalyq baqylaý kúsheitildi. Halyqaralyq kelisimder sheńberinde shottar boiynsha derekter almasý jolǵa qoiyldy. Tsifrlyq qyzmetter keń taralǵan. Sondyqtan jalpy alǵanda, jeke tulǵalardyń aktivteri boiynsha barlyq aqparat bar.
Qarjy, Tsifrlyq damý, innovatsiialar jáne aeroǵarysh ónerkásibi ministrlikteri tirkeý jáne salyqtyq baqylaý úshin barlyq tsifrlyq bazalardan, onyń ishinde ekinshi deńgeili bankterden málimetter alýdy qamtamasyz etkeni jón. Sondyqtan men 2025 jyly azamattardyń qalǵan sanattaryn aktivter týraly deklaratsiialardy mindetti túrde tapsyrýdan bosatý týraly qarjy ministriniń usynysyn qoldaimyn", — dep atap ótti Premer-ministr.
Úkimet zańnamaǵa qajetti ózgeristerdi úsh kún ishinde daiyndap, Parlamentke engizýdi tapsyrdy.
