فوتو: Pexels.com
پرەمەر-مينيستر ولجاس بەكتەنوۆ جەكە تۇلعالاردىڭ باسىم بٶلٸگٸن كٸرٸستەرٸ مەن مٷلكٸ تۋرالى مٸندەتتٸ دەكلاراتسييا تاپسىرۋدان بوساتۋ تۋرالى قارجى مينيسترلٸگٸنٸڭ ۇسىنىسىن قولدادى, دەپ حابارلايدى Ult.kz.
قازٸرگٸ تاڭدا 4,8 ميلليون ادام دەكلاراتسييا تاپسىرۋدا, ونىڭ ٸشٸندە مەملەكەتتٸك قىزمەتشٸلەر, كۆازيمەملەكەتتٸك سەكتور ٶكٸلدەرٸ مەن ولاردىڭ جۇبايلارى بار. بۇعان دەيٸن 2025 جىلدان باستاپ بارلىق ازاماتتارعا دەكلاراتسييا تاپسىرۋ مٸندەتتەلگەن ەدٸ. الايدا, حالىقتىڭ الاڭداۋشىلىعىن ەسكەرە وتىرىپ, قالعان 8 ميلليونعا جۋىق ازاماتتى دەكلاراتسييادان بوساتۋ تۋرالى شەشٸم قابىلداندى.
دەكلاراتسييا تەك شەتەلدە اكتيۆتەرٸ بار, 74 ميلليون تەڭگەدەن اساتىن ساتىپ الۋلار جاساعان نەمەسە دەربەس تابىس العان تۇلعالار ٷشٸن ساقتالادى. قالعان ازاماتتارعا ەرٸكتٸ تٷردە دەكلاراتسييا تاپسىرۋ قۇقىعى بەرٸلەدٸ.
"بٷگٸنگٸ تاڭدا مەملەكەتتٸك ورگانداردىڭ دەرەكتەر بازاسى بارىنشا تسيفرلاندىرىلعان. قارجىلىق جەنە ۆاليۋتالىق باقىلاۋ كٷشەيتٸلدٸ. حالىقارالىق كەلٸسٸمدەر شەڭبەرٸندە شوتتار بويىنشا دەرەكتەر الماسۋ جولعا قويىلدى. تسيفرلىق قىزمەتتەر كەڭ تارالعان. سوندىقتان جالپى العاندا, جەكە تۇلعالاردىڭ اكتيۆتەرٸ بويىنشا بارلىق اقپارات بار.
قارجى, تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸكتەرٸ تٸركەۋ جەنە سالىقتىق باقىلاۋ ٷشٸن بارلىق تسيفرلىق بازالاردان, ونىڭ ٸشٸندە ەكٸنشٸ دەڭگەيلٸ بانكتەردەن مەلٸمەتتەر الۋدى قامتاماسىز ەتكەنٸ جٶن. سوندىقتان مەن 2025 جىلى ازاماتتاردىڭ قالعان ساناتتارىن اكتيۆتەر تۋرالى دەكلاراتسييالاردى مٸندەتتٸ تٷردە تاپسىرۋدان بوساتۋ تۋرالى قارجى مينيسترٸنٸڭ ۇسىنىسىن قولدايمىن", — دەپ اتاپ ٶتتٸ پرەمەر-مينيستر.
ٷكٸمەت زاڭناماعا قاجەتتٸ ٶزگەرٸستەردٸ ٷش كٷن ٸشٸندە دايىنداپ, پارلامەنتكە ەنگٸزۋدٸ تاپسىردى.
