Azamattarǵa arnalǵan úkimet qazaqstandyqtarǵa qujattyń jaramdylyq merzimi aiaqtalǵanyn kútpei-aq, jeke kýálikti erterek aýystyrýǵa keńes beredi, dep habarlaidy QazAqparat.
Memlekettik korporatsiianyń basqarma tóraǵasynyń birinshi orynbasary Súienish Ábdildinniń aitýynsha, HQO-ǵa qujattarynyń merzimi ótip ketken klientter jii júginedi.
Al Ákimshilik quqyq buzý kodeksine sáikes, Qazaqstan Respýblikasy azamattarynyń tirkeýsiz nemese jeke basyn kýálandyratyn qujattarsyz bir aidan astam júrýi 7 AEK mólsherinde aiyppuldyń salynýyna ákep soǵady.
«Jeke kýálikti turǵylyqty tirkeý ornyna qaramastan kez kelgen HQO-da aýystyrýǵa bolady. Onda tek eski qujatty kórsetip, 0,2 AEK mólsherinde memlekettik baj tóleý qajet. Jańa qujat 15 jumys kúni ishinde daiyn bolady. Qalaýyńyz boiynsha qosymsha aqy tólep, kýálikti daiyndaý merzimin bir kúnnen bes jumys kúnine deiin jedeldetýge bolady», – dep naqtylap ótti Súienish Ábdildin.
Sondai-aq spiker jeke kýálik qazaqstandyqtarǵa 16 jastan bastap beriletinin atap ótti.
Alǵashqy qujatty alý úshin jasóspirim ata-anasynyń birimen HQO-ǵa júginýi kerek.
Ótinish berý úshin týý týraly kýálik, tólqujat (bar bolsa) jáne memlekettik baj salyǵynyń tólengeni týraly túbirtek tapsyrý qajet.
Týý týraly kýálikte tegin nemese atyn ózgertken, nekege turýǵa/buzýǵa bailanysty tegin ózgertkender de bir ai ishinde qujatyn jańartýy tiis.
Aita keteiik, jeke basty kýálandyratyn qujattardy rásimdeý qyzmetin HQO-da otyratyn kóshi-qon politsiiasynyń qyzmetkerleri usynady.
Aita keteiik, pasport merzimi ótken jaǵdaida aiyppul qarastyrylmaǵan. Ol shetelge shy ǵý úshin paidalanylatyn qujat.
Tólqujat alý úshin kez kelgen HQO-ǵa júginýge bolady. Memlekettik baj mólsheri – 8 AEK.
2021 jyly HQO-larda jeke basty kýálandyratyn 2,4 mln qujat berildi.
