Jańa jyldan bastap Qazaqstanda ailyq eseptik kórsetkish (AEK) 3 063 teńgege deiin ósti. 2021 jyly ol 2 917 teńge bolǵan edi, dep habarlaidy Sputnik Qazaqstan.
Zańnamaǵa sáikes AEK memlekettik járdemaqyny, sondai-aq aiyppul, salyq jáne ózge de tólemderdi esepteý úshin qoldanylady. Birinshi qańtardan bastap onyń mólsheri 3 063 teńgege jetti. Osyǵan bailanysty elimizde birqatar qujatty alý úshin tólenetin memlekettik baj da ulǵaiyp otyr.
Endi qazaqstandyqtar qansha tóleidi:
- pasport alý úshin tólenetin memlekettik baj salyǵy – 8 AEK nemese 24 504 teńge;
- jeke kýálik – 0,2 AEK nemese 613 teńge;
- júrgizýshi kýáligi – 1,25 AEK nemese 3 828 teńge;
- týý týraly kýálik tegin beriledi, biraq akt jazbasyna qandai da bir ózgeris engizý nemese ony qalpyna keltirý úshin 0,5 AEK, iaǵni 1 532 teńge tóleý qajet;
- nekeni tirkeý – 1 AEK nemese 3 063 teńge, al neke kýáligin ekinshi ret alǵan jaǵdaida – 0,5 AEK nemese 1 532 teńge;
- ajyrasýǵa aryz berý kezinde memlekettik baj salyǵynyń mólsheri – 2 AEK nemese 6 126 teńge.
