© Sputnik / Bolat Shaihinov
Qazaqstandyqtarǵa pasport pen jeke kýálik rásimdeý kezinde ózderine sýretke túsip, eń jaqsy fotosyn tańdaýǵa múmkindik beriledi.
Bul týraly "Azamattarǵa arnalǵan úkimet" memlekettik korporatsiiasy" KEAQ basqarma tóraǵasy Súienish Ábdildin málimdedi, dep habarlaidy Sputnik Qazaqstan.
Onyń aitýynsha, qazaqstandyqtar jeke kýálik pen pasport úshin túsiriletin fotonyń sapasyna kóńili tolmai, jii shaǵymdanady.
Osyǵan bailanysty "Azamattarǵa arnalǵan úkimet" korporatsiiasy Ishki ister ministrligimen ózine-ózi qyzmet kórsetý terminaldaryn engizý boiynsha jumys istep jatyr.
"Ishki ister ministrligi bizdi tolyǵymen qoldap otyr. Qujattaý terminaldary biometriialyq júiemen jáne adamǵa túsinikti interfeispen jaraqtandyrylǵan. Klientter ózderi sýretke túsip, eń jaqsysyn tańdap, kóshi-qon qyzmetkerlerine ótinim jibere alady", - dedi Ábdildin ortalyq kommýnikatsiialar qyzmetinde ótken baspasóz máslihatynda.
Aitýynsha, qazir birlesken buiryqqa qol qoiý máselesi sheshilip jatyr. Jaqyn arada osyndai terminaldar Nur-Sultan qalasynda iske qosylady.
Ábdildinniń aqparatynsha, byltyr Halyqqa qyzmet kórsetý ortalyqtary arqyly 2,4 millionnan astam qazaqstandyq jańa pasport pen jeke kýálik alǵan.
Qyzmet jartylai avtomattandyrylǵan, ony kóshi-qon politsiiasynyń qyzmetkerleri kórsetedi.
