© Sputnik / بولات شايحينوۆ
قازاقستاندىقتارعا پاسپورت پەن جەكە كۋەلٸك رەسٸمدەۋ كەزٸندە ٶزدەرٸنە سۋرەتكە تٷسٸپ, ەڭ جاقسى فوتوسىن تاڭداۋعا مٷمكٸندٸك بەرٸلەدٸ.
بۇل تۋرالى "ازاماتتارعا ارنالعان ٷكٸمەت" مەملەكەتتٸك كورپوراتسيياسى" كەاق باسقارما تٶراعاسى سٷيەنٸش ەبدٸلدين مەلٸمدەدٸ, دەپ حابارلايدى Sputnik قازاقستان.
ونىڭ ايتۋىنشا, قازاقستاندىقتار جەكە كۋەلٸك پەن پاسپورت ٷشٸن تٷسٸرٸلەتٸن فوتونىڭ ساپاسىنا كٶڭٸلٸ تولماي, جيٸ شاعىمدانادى.
وسىعان بايلانىستى "ازاماتتارعا ارنالعان ٷكٸمەت" كورپوراتسيياسى ٸشكٸ ٸستەر مينيسترلٸگٸمەن ٶزٸنە-ٶزٸ قىزمەت كٶرسەتۋ تەرمينالدارىن ەنگٸزۋ بويىنشا جۇمىس ٸستەپ جاتىر.
"ٸشكٸ ٸستەر مينيسترلٸگٸ بٸزدٸ تولىعىمەن قولداپ وتىر. قۇجاتتاۋ تەرمينالدارى بيومەترييالىق جٷيەمەن جەنە ادامعا تٷسٸنٸكتٸ ينتەرفەيسپەن جاراقتاندىرىلعان. كليەنتتەر ٶزدەرٸ سۋرەتكە تٷسٸپ, ەڭ جاقسىسىن تاڭداپ, كٶشٸ-قون قىزمەتكەرلەرٸنە ٶتٸنٸم جٸبەرە الادى", - دەدٸ ەبدٸلدين ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ايتۋىنشا, قازٸر بٸرلەسكەن بۇيرىققا قول قويۋ مەسەلەسٸ شەشٸلٸپ جاتىر. جاقىن ارادا وسىنداي تەرمينالدار نۇر-سۇلتان قالاسىندا ٸسكە قوسىلادى.
ەبدٸلديننٸڭ اقپاراتىنشا, بىلتىر حالىققا قىزمەت كٶرسەتۋ ورتالىقتارى ارقىلى 2,4 ميلليوننان استام قازاقستاندىق جاڭا پاسپورت پەن جەكە كۋەلٸك العان.
قىزمەت جارتىلاي اۆتوماتتاندىرىلعان, ونى كٶشٸ-قون پوليتسيياسىنىڭ قىزمەتكەرلەرٸ كٶرسەتەدٸ.
