Dara kásipker retinde qyzmettiń bastalǵany týraly habarlamany www.egov.kz portalynda, sondai-aq Kaspi.kz, Halyk Bank bank qosymshalaryna jiberýge bolady, dep habarlaidy "Ult aqparat".
Jeke kásipkerlikti ashý úshin jeke tulǵadan dara kásipker retinde qyzmettiń bastalǵany týraly habarlama jiberý jetkilikti.
«Budan bylai qazaqstandyqtar Halyk Bank mobildi qosymshasynda iske asyrylǵan jańa servistiń kómegimen úiden shyqpai-aq jeke kásipkerlikti tirkei alady. Osyǵan deiin bul habarlamany www.egov.kz elektrondyq úkimet portalynda, sondai-aq Kaspi.kz qosymshasynda jiberý múmkindigi bolǵan», - delingen QR QM Memlekettik kirister komiteti baspasóz qyzmetiniń málimetinde.
Habarlamany Halyk Bank qosymshasynda birneshe batyrmany basý arqyly jiberýge bolady. «JK bolý» siltemesi boiynsha ótse jetkilikti. Odan keiin, júie aldaǵy qadamdardy usynady. Sondai-aq, jeke kásipkerlikti ashýdyń barlyq protsesi 5 minýttan aspaidy.
Eskere ketetin jait, nysandy toltyrý kezinde jeke tulǵa qyzmetti júzege asyrýdy josparlap otyrǵan oblystyń memlekettik kirister organynyń kodyn, dara kásipkerdiń ataýyn, mekenjaiyn, júzege asyrylatyn qyzmet túrin, sondai-aq salyq salý rejimin tańdaýy kerek.
Habarlamaǵa jeke tulǵanyń elektrondy tsifrlyq qoltańbasymen qol qoiý kerek. Kelesi kúni jeke kásipker retinde tirkeýdi Memlekettik kirister komitetiniń www.kgd.gov.kz saitynda tekserýge bolady.
