دارا كەسٸپكەر رەتٸندە قىزمەتتٸڭ باستالعانى تۋرالى حابارلامانى www.egov.kz پورتالىندا, سونداي-اق Kaspi.kz, Halyk Bank بانك قوسىمشالارىنا جٸبەرۋگە بولادى, دەپ حابارلايدى "ۇلت اقپارات".
جەكە كەسٸپكەرلٸكتٸ اشۋ ٷشٸن جەكە تۇلعادان دارا كەسٸپكەر رەتٸندە قىزمەتتٸڭ باستالعانى تۋرالى حابارلاما جٸبەرۋ جەتكٸلٸكتٸ.
«بۇدان بىلاي قازاقستاندىقتار Halyk Bank موبيلدٸ قوسىمشاسىندا ٸسكە اسىرىلعان جاڭا سەرۆيستٸڭ كٶمەگٸمەن ٷيدەن شىقپاي-اق جەكە كەسٸپكەرلٸكتٸ تٸركەي الادى. وسىعان دەيٸن بۇل حابارلامانى www.egov.kz ەلەكتروندىق ٷكٸمەت پورتالىندا, سونداي-اق Kaspi.kz قوسىمشاسىندا جٸبەرۋ مٷمكٸندٸگٸ بولعان», - دەلٸنگەن قر قم مەملەكەتتٸك كٸرٸستەر كوميتەتٸ باسپاسٶز قىزمەتٸنٸڭ مەلٸمەتٸندە.
حابارلامانى Halyk Bank قوسىمشاسىندا بٸرنەشە باتىرمانى باسۋ ارقىلى جٸبەرۋگە بولادى. «جك بولۋ» سٸلتەمەسٸ بويىنشا ٶتسە جەتكٸلٸكتٸ. ودان كەيٸن, جٷيە الداعى قادامداردى ۇسىنادى. سونداي-اق, جەكە كەسٸپكەرلٸكتٸ اشۋدىڭ بارلىق پروتسەسٸ 5 مينۋتتان اسپايدى.
ەسكەرە كەتەتٸن جايت, نىساندى تولتىرۋ كەزٸندە جەكە تۇلعا قىزمەتتٸ جٷزەگە اسىرۋدى جوسپارلاپ وتىرعان وبلىستىڭ مەملەكەتتٸك كٸرٸستەر ورگانىنىڭ كودىن, دارا كەسٸپكەردٸڭ اتاۋىن, مەكەنجايىن, جٷزەگە اسىرىلاتىن قىزمەت تٷرٸن, سونداي-اق سالىق سالۋ رەجيمٸن تاڭداۋى كەرەك.
حابارلاماعا جەكە تۇلعانىڭ ەلەكتروندى تسيفرلىق قولتاڭباسىمەن قول قويۋ كەرەك. كەلەسٸ كٷنٸ جەكە كەسٸپكەر رەتٸندە تٸركەۋدٸ مەملەكەتتٸك كٸرٸستەر كوميتەتٸنٸڭ www.kgd.gov.kz سايتىندا تەكسەرۋگە بولادى.
