Baǵdat Mýsin 3 mln adamnyń jeke bas derekteriniń jariia bolýyna qatysty pikir bildirdi, dep habarlaidy QazAqparat.
«Biz Facebook-tiń tehnologiialyq problemalaryna qol jetkize almaimyz. Bul jeke korporatsiia. Qaskóiler ondaǵy paidalanýshylardyń jeke bas derekterin alǵany anyqtalǵan bolatyn. Adam Facebook-te tirkelgen kezde óz erkimen tirkelip jatqanyn rastap, kelisimge qol qoiady. Bul kelisimderdi eshkim oqymaidy. Sondyqtan oqiǵanyń sebebi Facebook-tiń ózine belgili», - dedi Baǵdat Mýsin ortalyq kommýnikatsiialar qyzmetinde ótken brifingide.
Onyń aitýynsha, qazir áleýmettik jelige tirkelýshiler tsifrlyq platformada derbes derekteriniń qanshalyqty qorǵalatynyna kóp bas aýyrtpaidy.
«Meniń usynysym, ózgeler bilmeýi kerek degen aqparatty álemýettik jelige jariialamaǵan jón. Telefon nómirlerin, jeke basty kýálandyratyn qujattardy salmaý kerek» - dedi Tsifrlyq damý, innovatsiialar jáne aeroǵarysh damý ministri.
Ministr áleýmettik jeliden alynyp, kópshilik úshin qoljetimdi aqparatqa ainalǵan derekterdiń kóbin telefon nómiri men elektrondyq poshta málimetteri ekenin aitady.
«Qandai derekter jariialanyp ketti degenge kelsek, qoldanýshylardyń aty-jóni, tirkeý kezinde kórsetilgen telefon nómirleri, elektrondyq poshta derekteri tarap ketken. Qaskóiler poshtańyzǵa hat jiberý arqyly basqa málimetterdi alýǵa tyrysady. Marketingtik maqsattar úshin habarlama jiberetinder de osy derekterdiń kómegimen mazalaýy múmkin. Árine, bul málimetter kóbinese internettegi alaiaqtyq úshin paidalana alady. Qalai desek te, mundai jaittardyń azamattar úshin ziiandy», - dedi Baǵdat Mýsin.
Eske salsaq, Baǵdat Mýsin «Vaktsina – «chip» salý quraly degen teoriia týraly da pikir bildirdi.
