باعدات مۋسين 3 ملن ادامنىڭ جەكە باس دەرەكتەرٸنٸڭ جارييا بولۋىنا قاتىستى پٸكٸر بٸلدٸردٸ, دەپ حابارلايدى قازاقپارات.
«بٸز Facebook-تٸڭ تەحنولوگييالىق پروبلەمالارىنا قول جەتكٸزە المايمىز. بۇل جەكە كورپوراتسييا. قاسكٶيلەر ونداعى پايدالانۋشىلاردىڭ جەكە باس دەرەكتەرٸن العانى انىقتالعان بولاتىن. ادام Facebook-تە تٸركەلگەن كەزدە ٶز ەركٸمەن تٸركەلٸپ جاتقانىن راستاپ, كەلٸسٸمگە قول قويادى. بۇل كەلٸسٸمدەردٸ ەشكٸم وقىمايدى. سوندىقتان وقيعانىڭ سەبەبٸ Facebook-تٸڭ ٶزٸنە بەلگٸلٸ», - دەدٸ باعدات مۋسين ورتالىق كوممۋنيكاتسييالار قىزمەتٸندە ٶتكەن بريفينگٸدە.
ونىڭ ايتۋىنشا, قازٸر ەلەۋمەتتٸك جەلٸگە تٸركەلۋشٸلەر تسيفرلىق پلاتفورمادا دەربەس دەرەكتەرٸنٸڭ قانشالىقتى قورعالاتىنىنا كٶپ باس اۋىرتپايدى.
«مەنٸڭ ۇسىنىسىم, ٶزگەلەر بٸلمەۋٸ كەرەك دەگەن اقپاراتتى ەلەمۋەتتٸك جەلٸگە جارييالاماعان جٶن. تەلەفون نٶمٸرلەرٸن, جەكە باستى كۋەلاندىراتىن قۇجاتتاردى سالماۋ كەرەك» - دەدٸ تسيفرلىق دامۋ, يننوۆاتسييالار جەنە اەروعارىش دامۋ مينيسترٸ.
مينيستر ەلەۋمەتتٸك جەلٸدەن الىنىپ, كٶپشٸلٸك ٷشٸن قولجەتٸمدٸ اقپاراتقا اينالعان دەرەكتەردٸڭ كٶبٸن تەلەفون نٶمٸرٸ مەن ەلەكتروندىق پوشتا مەلٸمەتتەرٸ ەكەنٸن ايتادى.
«قانداي دەرەكتەر جارييالانىپ كەتتٸ دەگەنگە كەلسەك, قولدانۋشىلاردىڭ اتى-جٶنٸ, تٸركەۋ كەزٸندە كٶرسەتٸلگەن تەلەفون نٶمٸرلەرٸ, ەلەكتروندىق پوشتا دەرەكتەرٸ تاراپ كەتكەن. قاسكٶيلەر پوشتاڭىزعا حات جٸبەرۋ ارقىلى باسقا مەلٸمەتتەردٸ الۋعا تىرىسادى. ماركەتينگتٸك ماقساتتار ٷشٸن حابارلاما جٸبەرەتٸندەر دە وسى دەرەكتەردٸڭ كٶمەگٸمەن مازالاۋى مٷمكٸن. ەرينە, بۇل مەلٸمەتتەر كٶبٸنەسە ينتەرنەتتەگٸ الاياقتىق ٷشٸن پايدالانا الادى. قالاي دەسەك تە, مۇنداي جايتتاردىڭ ازاماتتار ٷشٸن زيياندى», - دەدٸ باعدات مۋسين.
ەسكە سالساق, باعدات مۋسين «ۆاكتسينا – «چيپ» سالۋ قۇرالى دەگەن تەورييا تۋرالى دا پٸكٸر بٸلدٸردٸ.
