Qyrǵyzstan prezidenti Sooronbai Jeenbekov parlament pen premer-ministrdi otstavkaǵa jiberý týraly jarlyqqa qol qoidy. Bul týraly Qyrǵyzstan prezidenti apparatynyń aqparattyq saiasat bólimi habarlady, dep jazady Kabar agenttigi.
«Qyrǵyzstan prezidenti Sooronbai Jeenbekov qol qoiǵan Jarlyqqa sáikes, Qyrǵyzstan Konstitýtsiiasynyń 65-baby, 87 babynyń 1, 2, 3 bólimi, 13-babynyń 1 bólimi, 4 tarmaqshasy, 23-babynyń 3bólimi, 1 tarmaqshasy jáne 23-babynyń 4 bólimine sáikes Qyrǵyzstan premer-ministri Kýbatbek Boronov otstavkaǵa jiberildi», - delingen habarlamada.
Qyrǵyzstan úkimeti de otstavkaǵa ketti dep sanalady.
Jarlyqqa sáikes, elde premer-ministr, birinshi vitse-premer-ministr, vitse-premer-ministrler, úkimet músheleri qyzmetin atqarǵan tulǵalar Qyrǵyzstan úkimetiniń jańa quramy qalyptastyrylǵan ýaqytqa deiin buryn atqarǵan qyzmetterine sáikes mindetterin atqarady.
Jarlyq qol qoiǵan sátten bastap kúshine enedi.
Qyrǵyzstanda 4 qazanda ótken parlament sailaýynan keiin saiasi daǵdarys týyndaǵan. Parlament sailaýynyń nátijesin joiýdy talap etken narazylyq aktsiialarynyń sońy tártipsizdikke ulasqan. 6 qazanǵa qaraǵan túni demonstranttar parlament pen prezident apparaty ornalasqan "Aq úidi" basyp aldy.
9 qazanda "Ata Meken", "Bir Bol", "Respýblika" jáne "Reforma" partiialary birigip, "Akyrky úmút" saiasi birlestigin quratynyn málimdep, premerlikke Ómirbek Babanovty usyndy.
Buǵan deiin 6 qazanda Jogorký Keńeshtiń birneshe depýtaty premerlikke narazylyqtan keiin qamaýdan shyqqan Sadyr Japarovty usynǵan edi.
