Qyrǵyzstan prezidenti Sooronbai Jeenbekov VVS mediasynyń Qyrǵyz qyzmetine bergen suhbatynda eldiń "legitimdi prezidenti" retinde qala beretinin málimdedi.
"Koordinatsiialyq keńes elderi jaǵdaidy zańmen retteýge tyrysyp jatyr. Men de soǵan shaqyramyn jáne kómek kórsetýge daiynmyn. Men – eldiń legitimdi prezidentimin jáne kóp is maǵan da bailanysty" dedi ol.
Jeenbekov jýrnalistiń "elde bolǵan jaǵdaidyń aldyn alý múmkin be edi?" degen saýalyna "Narazylyq sharasy aldyn ala josparlanǵan shara ekeni anyq boldy. Mitingige kóp nárse kerek. Sharany uiymdastyrý, koordinatsiia jasaýǵa kóp resýrs kerek. Bolǵan is boldy. Qazir kelissóz júrgizip, jaǵdaidy zańǵa sai retteý qajet. Qyzmetti bólisý jáne jańa sailaý zańǵa sai bolýy tiis" dep jaýap berdi.
4 qazanda elde parlament sailaýy ótken. 5 qazanda jurt sailaý nátijesimen kelispei narazylyqqa shyqqan. Olar sailaý nátijesin joiýdy talap etti. 6 qazanǵa qaraǵan túni narazylar prezident pen parlament otyratyn Aq úidi, Memlekettik ulttyq qaýipsizdik komitetiniń ǵimaratyn basyp aldy. 7 qazanda Ortalyq sailaý komissiiasy sailaý nátijesin joidy.
Elde biraz saiasatker engen Koordinatsiialyq keńes quryldy.
