Qyrǵyzstannyń qyzmetine jańa kirisken prezidenti Sooronbai Jeenbekov eks-prezident Almazbek Atambaevqa "Qyrǵyz Respýblikasynyń Batyry" ataǵyn berý týraly jarlyq shyǵardy. Prezident apparatynyń aqparattyq saiasat bóliminiń habarlaýynsha, Atambaevqa mundai ataq "elge sińirgen eren eńbegi, Qyrǵyzstannyń memlekettik egemendigin, eldiń birligin jáne ólkedegi tynyshtyqty nyǵaitýǵa, Qyrǵyzstannyń turaqty damýynyń negizin qalaýǵa qosqan úlesi úshin, sonymen qatar saiasi erik pen erlik kórsetkeni úshin" berilgen, dep jazady Azattyq.
Jeenbekovtiń jarlyǵy boiynsha, Atambaevqa "Ak shýmkar" erekshe tós belgisi de tapsyrylady.
Sooronbai Jeenbekov 24 qarashada qyzmetine kirisý saltanatynda sóilegen kezinde prezident retindegi alǵashqy jarlyǵymen Almazbek Atambaevty eń joǵarǵy memlekettik nagrada - "Ak shýmkar" syilyǵymen marapattaitynyn aitqan.
Almazbek Atambaev sailaý aldynda óziniń Sotsial-demokratiialyq partiiasynan prezidenttikke kandidat bolǵan Sooronbai Jeenbekovke qoldaý bildirip, ony "dosym" dep ataǵan.
