قىرعىزستاننىڭ قىزمەتٸنە جاڭا كٸرٸسكەن پرەزيدەنتٸ سوورونباي جەەنبەكوۆ ەكس-پرەزيدەنت المازبەك اتامباەۆقا "قىرعىز رەسپۋبليكاسىنىڭ باتىرى" اتاعىن بەرۋ تۋرالى جارلىق شىعاردى. پرەزيدەنت اپپاراتىنىڭ اقپاراتتىق ساياسات بٶلٸمٸنٸڭ حابارلاۋىنشا, اتامباەۆقا مۇنداي اتاق "ەلگە سٸڭٸرگەن ەرەن ەڭبەگٸ, قىرعىزستاننىڭ مەملەكەتتٸك ەگەمەندٸگٸن, ەلدٸڭ بٸرلٸگٸن جەنە ٶلكەدەگٸ تىنىشتىقتى نىعايتۋعا, قىرعىزستاننىڭ تۇراقتى دامۋىنىڭ نەگٸزٸن قالاۋعا قوسقان ٷلەسٸ ٷشٸن, سونىمەن قاتار ساياسي ەرٸك پەن ەرلٸك كٶرسەتكەنٸ ٷشٸن" بەرٸلگەن, دەپ جازادى ازاتتىق.
جەەنبەكوۆتٸڭ جارلىعى بويىنشا, اتامباەۆقا "اك شۋمكار" ەرەكشە تٶس بەلگٸسٸ دە تاپسىرىلادى.
سوورونباي جەەنبەكوۆ 24 قاراشادا قىزمەتٸنە كٸرٸسۋ سالتاناتىندا سٶيلەگەن كەزٸندە پرەزيدەنت رەتٸندەگٸ العاشقى جارلىعىمەن المازبەك اتامباەۆتى ەڭ جوعارعى مەملەكەتتٸك ناگرادا - "اك شۋمكار" سىيلىعىمەن ماراپاتتايتىنىن ايتقان.
المازبەك اتامباەۆ سايلاۋ الدىندا ٶزٸنٸڭ سوتسيال-دەموكراتييالىق پارتيياسىنان پرەزيدەنتتٸككە كانديدات بولعان سوورونباي جەەنبەكوۆكە قولداۋ بٸلدٸرٸپ, ونى "دوسىم" دەپ اتاعان.
