Foto: ashyq derekkóz
Búgin Májilistiń jalpy otyrysynda Densaýlyq saqtaý birinshi vitse-ministri Timýr Sultanǵaziev Astana men Almatyda jedel járdem qyzmetkerlerine qatysty keleńsiz oqiǵalar 90 paiyzǵa tómendegenin aitty, dep habarlaidy Ult.kz.
Oń kórsetkishtiń ósýine megapolisterdegi meditsina mamandarynyń beinetirkegishpen qamtylýy túrtki bolǵan.
Qazir elimizde dárigerlerdiń qaýipsizdigin arttyrý maqsatynda júieli sharalar atqarylyp jatyr. Buǵan deiin salalyq ministrlik IIM-men birlesip meditsinalyq mekemelerde 150-ge jýyq politsiia beketin ashqan.
Timýr Sultanǵaziev osy baǵytta atqarylyp jatqan ózge de sharalarǵa toqtaldy.
«Statsionarlarda kameralar ornatyp jatyrmyz. Bul kameralar politsiianyń Jedel basqarý ortalyǵyna qosylǵan. Budan bólek, 600 meditsina uiymnyń árbir qabyldaý bólmesine dabyl núkteleri ornatyldy. Sonyń arqasynda qajetti jedel aldyn alý sharalary júrgizilip jatyr», - dedi ol.
Joǵaryda atalǵan Astana men Almaty qalalaryndaǵy kórsetkish negizinde ózge aimaqtaǵy jedel járdem qyzmetkerlerin de jappai beinetirkegishpen qamtý kózdelip otyr.
Densaýlyq saqtaý birinshi vitse-ministri osy jospar aiasynda «Qazaqtelekommen» birge tiisti sharalar qolǵa alynǵanyn jetkizdi.
