فوتو: اشىق دەرەككٶز
بٷگٸن مەجٸلٸستٸڭ جالپى وتىرىسىندا دەنساۋلىق ساقتاۋ بٸرٸنشٸ ۆيتسە-مينيسترٸ تيمۋر سۇلتانعازيەۆ استانا مەن الماتىدا جەدەل جەردەم قىزمەتكەرلەرٸنە قاتىستى كەلەڭسٸز وقيعالار 90 پايىزعا تٶمەندەگەنٸن ايتتى, دەپ حابارلايدى Ult.kz.
وڭ كٶرسەتكٸشتٸڭ ٶسۋٸنە مەگاپوليستەردەگٸ مەديتسينا ماماندارىنىڭ بەينەتٸركەگٸشپەن قامتىلۋى تٷرتكٸ بولعان.
قازٸر ەلٸمٸزدە دەرٸگەرلەردٸڭ قاۋٸپسٸزدٸگٸن ارتتىرۋ ماقساتىندا جٷيەلٸ شارالار اتقارىلىپ جاتىر. بۇعان دەيٸن سالالىق مينيسترلٸك ٸٸم-مەن بٸرلەسٸپ مەديتسينالىق مەكەمەلەردە 150-گە جۋىق پوليتسييا بەكەتٸن اشقان.
تيمۋر سۇلتانعازيەۆ وسى باعىتتا اتقارىلىپ جاتقان ٶزگە دە شارالارعا توقتالدى.
«ستاتسيونارلاردا كامەرالار ورناتىپ جاتىرمىز. بۇل كامەرالار پوليتسييانىڭ جەدەل باسقارۋ ورتالىعىنا قوسىلعان. بۇدان بٶلەك, 600 مەديتسينا ۇيىمنىڭ ەربٸر قابىلداۋ بٶلمەسٸنە دابىل نٷكتەلەرٸ ورناتىلدى. سونىڭ ارقاسىندا قاجەتتٸ جەدەل الدىن الۋ شارالارى جٷرگٸزٸلٸپ جاتىر», - دەدٸ ول.
جوعارىدا اتالعان استانا مەن الماتى قالالارىنداعى كٶرسەتكٸش نەگٸزٸندە ٶزگە ايماقتاعى جەدەل جەردەم قىزمەتكەرلەرٸن دە جاپپاي بەينەتٸركەگٸشپەن قامتۋ كٶزدەلٸپ وتىر.
دەنساۋلىق ساقتاۋ بٸرٸنشٸ ۆيتسە-مينيسترٸ وسى جوسپار اياسىندا «قازاقتەلەكوممەن» بٸرگە تيٸستٸ شارالار قولعا الىنعانىن جەتكٸزدٸ.
