Jedel shtab jumysyn bastaǵannan beri qazaqstandyq stýdentterdiń shetelde oqýyn jalǵastyrý máseleleri boiynsha stýdentter men olardyń ata-analarynan kóptegen qońyraý men ótinishter kelip tústi, dep habarlaidy QR SIM baspasóz qyzmeti.
«Jedel shtab qyzmetkerleri kelip túsken ótinishterdi barynsha jedel qarastyryp, olardy odan ári óńdeý úshin aqparat pen suraý salýlardy jinady, sodan keiin ótinish berýshilerge jaýabyn berdi. Bizdiń sheteldegi diplomattarymyz kelip túsken aqparat negizinde ózderi ornalasqan elderde árbir ýniversitet jáne jergilikti bilim ministrlikterimen bailanys ornatty. Biz sheteldik oqý oryndarymen usynylǵan oqý formatyn, elge kirý-shyǵý erejelerin jáne sheteldik stýdentterdi oqytýǵa qatysty basqa da máselelerdi anyqtaýdamyz» delingen syrtqy saiasat vedomstvosynyń baspasóz qyzmeti taratqan habarlamada.
Osyǵan bailanysty Shtab sheteldegi bizdiń stýdentter úshin sheteldik oqý oryndarynyń talaptary boiynsha arnaiy aqparattyq keste ázirledi. Onlain rejiminde jańartylatyn osy kestemen myna silteme arqyly tanysýǵa bolady.
Málimetke sai, ózara tiimdi yqpaldasý úshin biz kelesi is-qimyl algoritmin belgiledik: ótinish berý – aqparat jinaý – sheteldik oqý oryndarymen/bilim ministrlikterimen bailanys ornatý – shet memleketterdiń elshilikterimen habarlasý – ótinish iesine jaýap berý.
Qosymsha suraqtar týyndaǵan jaǵdaida stýdentter men olardyń ata-analarynan QR SIM Shtabyna kelesi jedel jeliler arqyly habarlasýyn suraimyz: +7 (7172) 72-00-46, 72-00-47, 72-05-49, elektrondyq poshta - covid19@mfa.kz.
Sondai-aq, qazaqstandyq stýdentter óz suraqtaryn qaraý úshin tómendegi silteme boiynsha onlain ótinim bere alady: – https://rb.gy/etjeox.
