جەدەل شتاب جۇمىسىن باستاعاننان بەرٸ قازاقستاندىق ستۋدەنتتەردٸڭ شەتەلدە وقۋىن جالعاستىرۋ مەسەلەلەرٸ بويىنشا ستۋدەنتتەر مەن ولاردىڭ اتا-انالارىنان كٶپتەگەن قوڭىراۋ مەن ٶتٸنٸشتەر كەلٸپ تٷستٸ, دەپ حابارلايدى قر سٸم باسپاسٶز قىزمەتٸ.
«جەدەل شتاب قىزمەتكەرلەرٸ كەلٸپ تٷسكەن ٶتٸنٸشتەردٸ بارىنشا جەدەل قاراستىرىپ, ولاردى ودان ەرٸ ٶڭدەۋ ٷشٸن اقپارات پەن سۇراۋ سالۋلاردى جينادى, سودان كەيٸن ٶتٸنٸش بەرۋشٸلەرگە جاۋابىن بەردٸ. بٸزدٸڭ شەتەلدەگٸ ديپلوماتتارىمىز كەلٸپ تٷسكەن اقپارات نەگٸزٸندە ٶزدەرٸ ورنالاسقان ەلدەردە ەربٸر ۋنيۆەرسيتەت جەنە جەرگٸلٸكتٸ بٸلٸم مينيسترلٸكتەرٸمەن بايلانىس ورناتتى. بٸز شەتەلدٸك وقۋ ورىندارىمەن ۇسىنىلعان وقۋ فورماتىن, ەلگە كٸرۋ-شىعۋ ەرەجەلەرٸن جەنە شەتەلدٸك ستۋدەنتتەردٸ وقىتۋعا قاتىستى باسقا دا مەسەلەلەردٸ انىقتاۋدامىز» دەلٸنگەن سىرتقى ساياسات ۆەدومستۆوسىنىڭ باسپاسٶز قىزمەتٸ تاراتقان حابارلامادا.
وسىعان بايلانىستى شتاب شەتەلدەگٸ بٸزدٸڭ ستۋدەنتتەر ٷشٸن شەتەلدٸك وقۋ ورىندارىنىڭ تالاپتارى بويىنشا ارنايى اقپاراتتىق كەستە ەزٸرلەدٸ. ونلاين رەجيمٸندە جاڭارتىلاتىن وسى كەستەمەن مىنا سٸلتەمە ارقىلى تانىسۋعا بولادى.
مەلٸمەتكە ساي, ٶزارا تيٸمدٸ ىقپالداسۋ ٷشٸن بٸز كەلەسٸ ٸس-قيمىل الگوريتمٸن بەلگٸلەدٸك: ٶتٸنٸش بەرۋ – اقپارات جيناۋ – شەتەلدٸك وقۋ ورىندارىمەن/بٸلٸم مينيسترلٸكتەرٸمەن بايلانىس ورناتۋ – شەت مەملەكەتتەردٸڭ ەلشٸلٸكتەرٸمەن حابارلاسۋ – ٶتٸنٸش يەسٸنە جاۋاپ بەرۋ.
قوسىمشا سۇراقتار تۋىنداعان جاعدايدا ستۋدەنتتەر مەن ولاردىڭ اتا-انالارىنان قر سٸم شتابىنا كەلەسٸ جەدەل جەلٸلەر ارقىلى حابارلاسۋىن سۇرايمىز: +7 (7172) 72-00-46, 72-00-47, 72-05-49, ەلەكتروندىق پوشتا - covid19@mfa.kz.
سونداي-اق, قازاقستاندىق ستۋدەنتتەر ٶز سۇراقتارىن قاراۋ ٷشٸن تٶمەندەگٸ سٸلتەمە بويىنشا ونلاين ٶتٸنٸم بەرە الادى: – https://rb.gy/etjeox.
