Almatyda Abai atyndaǵy Opera jáne balet teatrynda Qazaqstan Jazýshylar odaǵynyń kezekti XV quryltaiy ótti. Quryltaida Qazaqstan Jazýshylar odaǵy Basqarmasynyń jańa Tóraǵasy jáne orynbasarlary sailandy.
Jazýshylar odaǵynyń jańa basshysy qyzmetine kópshilik sheshimimen QR Memlekettik syilyǵynyń iegeri, kórnekti aqyn Ulyqbek Esdáýlet laiyq dep tanyldy.
Al, Odaq tóraǵasynyń birinshi orynbasary qyzmetine Aqberen Elgezek taǵaiyndalsa, Mereke Qulkenov, Baqyt Bedelhan, Baýyrjan Jaqyp ta Odaq Tóraǵasy orynbasarlary bolyp sailandy.
Aita ketsek, Aqberen Elgezek 1980 jyly 24 qańtarda Almaty qalasynda dúniege kelgen. Semei oblysy Shubartaý aýdany Mádeniet aýylynda E.Rahmadiev atyndaǵy orta mektepti bitirgen. Ál-Farabi atyndaǵy QazUÝ-diń tarih fakýltetiniń túlegi.
Aqberen Elgezek Qazaqstan Jazýshylar odaǵynyń múshesi, Qazaqstan «Serper» jastar syilyǵynyń, T.Aibergenov atyndaǵy syilyqtyń jáne Memlekettik «Daryn» jastar syilyǵynyń, «Altyn qalam» qoǵamdyq syilyǵynyń iegeri. «Qazaq ádebietin qoldaý» qoǵamdyq qorynyń jetekshisi, «Kentavr» ulttyq ádebi aptalyǵynyń negizin qalaýshy. Ult.kz internet basylymyn jaryqqa shyǵaryp, bas redaktory qyzmetin atqarǵan.
«Kóleńkeler kúbiri», «Ǵarshy» (twinbook formatynda), «Sheksizdik syrtyndaǵy sham» atty jyr jinaqtarynyń avtory. Ivan Býnin, Dmitrii Merejkovskii, Varlam Shalamov, Vladimir Vysotskii, Giiom Apolliner shyǵarmalaryn aýdarǵan.
2001 – 2003 j j. – Almaty qalalyq Ishki saiasat departamentiniń bas mamany. 2003 – 2004 j j. – QR Ulttyq injenerlik akademiiasy Prezidentiniń keńesshisi. 2004 – 2008 j j. – Almaty qalasynyń Aqparattyq-taldaý ortalyǵynyń direktory. 2009 j. – ál-Farabi atyndaǵy Qazaq ulttyq ýniversiteti jastar uiymdarymen jumys isteý bóliminiń bastyǵy. 2009 – 2010 jj. – DQQ qarasty «Atajurt» baspasynyń bas redaktory. 2010 – 2011 j j. – «Bóbek» UǴPSO-nyń Adamdy úilesimdi damytý institýtynyń direktory. 2011 j. – «Bóbek» UǴPSO-nyń Bas direktory mindetin atqarýshy. 2012 j. QR Bilim jáne ǵylym ministrligi «Aqparattyq-taldaý ortalyǵy» AQ-nyń vitse-prezidenti. 2016 jyly Ońtústik Qazaqstan oblysy ákimi apparaty qoǵamdyq monitoring bóliminiń bas mamany bolyp qyzmet etip, keiinnen OQO ákimi apparaty basshysynyń orynbasary qyzmetin atqarǵan. 2016-2017 jyldary Qorǵanys jáne aeroǵarysh ministrliginiń baspasóz hatshysy bolyp eńbek etken.
Mereke Qulkenov 1951 jyly 8 qarashada Atyraý oblysy, Qyzylqoǵa aýdany, Qarabaý aýylynda týǵan. QazMÝ-di 1978 jyly bitirgen. «Qazaqstan pioneri» (qazirgi «Ulan»), «Pioner», «Qazaq ádebieti», «Jalyn» siiaqty gazet-jýrnaldarda, Qazaq teledidarynda qyzmet istegen. Respýblikalyq «Ana tili» gazetiniń, «Tań Sholpan» jýrnalynyń bas redaktory boldy. Qazir «Ólke» baspasynyń bas direktory.
Qazaqstan Respýblikasynyń eńbek sińirgen mádeniet qyzmetkeri (1998), Prezident syilyǵynyń laýreaty (2002). «Dostyq» ordenimen marapattalǵan.
«Jibek jel», «Tańǵy samal», «Úrei», «Halel Dosmuhamedovtiń ómiri men qyzmeti», «Qazaqstan», t.b. prozalyq jáne pýblitsistikalyq shyǵarmalardyń, «Mahabbat munarasy», «Jáńgir han» pesalarynyń avtory. Shyǵarmalary birneshe tilge aýdarylǵan.
Baqyt Bedelhanuly Áldibekov 1975 jyly Almaty oblysy Shonjy aýylynda dúniege kelgen. 1992-96 j.j. Abai atyndaǵy UPÝ de filologiia fakýltetin támamdaǵan. 1996-98 jj óner men óleńdi qatar alyp júrgen daryn AlMÝ-dyń Abai atyndaǵy filosofiia kafedrasynyń aspirantýrasyn támamdaǵan. Sonymen qatar 1996-99 j.j. T.Júrgenov atyndaǵy Óner akademiiasynyń teatr fakýltetinde «teatr rejisseri» mamandyǵy boiynsha bilim alǵan.
Ár jyldary teatr, televiziia salasynda eńbek etken. Astanadaǵy «Elorda» baspasynda redaktor, Q.Qýanyshbaev atyndaǵy drama teatrda «ádebiet bóliminiń meńgerýshisi», «Qazaqstan» UTRK da jýrnalist-júrgizýshi qyzmetterin atqarǵan. Qazaqstan Jazýshylar Odaǵy «Ádebietshiler úiiniń» direktory qyzmetin atqarǵan.
Halyqaralyq «Alash» ádebi syilyǵynyń iegeri. Halyqaralyq «Shabyt» festivaliniń laýreaty. Halyq qaharmany týraly túsirilgen derekti filmde batyr Baýyrjan beinesin sátti somdap, Aýǵan soǵysynyń shyndyǵyn beinelegen týyndylar jazǵany úshin Baýyrjan Momyshuly atyndaǵy «Qyzyl juldyz» ordenimen marapattalǵan. Sondai-aq Almaty oblysy Uiǵyr aýdanynyń Qurmetti azamaty ataǵynyń iegeri.
Óleńderi «Tolqynnan tolqyn týady», «Qarlyǵash», «Qos ishek» atty ujymdyq jinaqtarǵa engen. «Keń dúnie», «Kókemaral», «Ýaqyttyń júregi» atty jyr jinaqtarynyń avtory. Aqynnyń «Mahambet» poetikalyq dramasy men «Qantalapai» atty kinostsenariii kórermen kózaiymyna ainalǵan.
Jaqyp Baýyrjan Ómirjanuly 1963 jyly 1 mamyrda qazirgi Shyǵys Qazaqstan oblysy, Abai aýdany Aqqora aýylynda týǵan. 1985 jyly qazirgi ál-Farabi atyndaǵy Qazaq ulttyq ýniversitetiniń jýrnalistika fakýltetin bitirgen.
1986 jyldan ál-Farabi atyndaǵy Qazaq ulttyq ýniversitetinde oqytýshylyq qyzmette boldy. 1986-1988 jyldary stajer-zertteýshi, 1988-1991 jyldary assistent, 1991-1994 jyldary aǵa oqytýshy, 1994-1995 jyldary dotsent. 1995-2001 jyldary dekannyń oqý isi jónindegi orynbasary, jýrnalistik sheberlik jáne ádebi redaktsiialaý kafedrasynyń meńgerýshisi, baspa isi kafedrasynyń meńgerýshisi, merzimdi baspasóz kafedrasynyń meńgerýshisi, 2001-2009 jyldary ál-Farabi atyndaǵy Qazaq ulttyq ýniversiteti jýrnalistika fakýltetiniń dekany. 2009 jyldyń 20 qańtarynan «Qazaq entsiklopediiasynyń» Bas direktory - bas redaktory.
B.Jaqyp - Qazaqstan Jýrnalister odaǵynyń múshesi (1991), Qazaqstan Jazýshylar odaǵynyń múshesi (1994), Qazaqstan Jazýshylar odaǵynyń Basqarma múshesi (2002), Qazaqstan Jýrnalistika Akademiiasynyń akademigi (2006), Halyqaralyq Jazýshylar men Pýblitsister Assotsiatsiiasynyń múshesi (2006), Qazaqstan Respýblikasy Joǵary mektep ulttyq ǵylym akademiiasynyń korrespondent-múshesi (2007).
Onyń «Aýditoriia» (1984), «Baspaldaqtar» (1987), «Bir kemeniń ústinde» (1987), «Parýs vremeni» (1987), «Aralym - arym, Balqashym - baǵym» (1988), «Kózimniń nury» (1990), «Aidyndaǵy aspan» (1996), «Muhtar Áýezov - pýblitsist» (1997), «Aq laq» (1997), «Qoltańba» (2001), «Ýaqyt urshyǵy» (2004), «Qazaq pýblitsistikasynyń qalyptasý, damý joldary» (2004), «Pýblitsistikalyq shyǵarmashylyq negizderi» (2007), «Qyzyl qaiyń» (2008), t.b. kitaptary jaryq kórdi. Onyń shyǵarmalary orys, túrik, ýkrain, makedon, túrkimen, qyrǵyz tilderine aýdaryldy.
Baýyrjan Jaqyp - Qazaqstan Jýrnalister odaǵynyń S. Sadýaqasov atyndaǵy syilyǵynyń iegeri (1998) jastardyń «Jiger» festivaliniń laýreaty (1984), «Daryn» memlekettik syilyǵynyń laýreaty (1999). 2004 jyly Bakýde ótken Búkil túrki dúniesi aqyndarynyń 11 «Hazar sheir aqshamdary» festivaliniń laýreaty. Qazaqstan Respýblikasy Mádeniet jáne aqparat Ministrliginiń «Mádeniet qairatkeri» tósbelgisimen marapattalǵan (2006). Túrkiiada Elazyǵ shaharynda ótken áigili jazýshy Shyńǵys Aitmatovqa arnalǵan búkil túrki dúniesi aqyndarynyń 15 «Hazar sheir aqshamdary» festivaliniń diplomanty (2007). Makedoniianyń Skope, Kosovanyń Prishtina qalalarynda ótken búkiltúrkidúniesi aqyndary festivaliniń laýreaty (2007), «JOO úzdik oqytýshysy» respýblikalyq baiqaýynyń jeńimpazy (2009).
