Jazǵy demalys ýaqytynda ata-analardan balalardyń qaýipsizdigi úshin qolhat alýdy qoiý kerek. Bul týraly QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Bizde baiaǵydan qalyptasqan, biraq eshqandai qajeti joq oqý jyly aiaqtalǵanda ata-analardan qolhat alý tájiribesi bar. Árine «Ony ne úshin alamyz? Onyń qandai kómegi bar? Ol ne kerek?» degen suraqtar týyndaidy. Onyń eshqandai qajeti joq. Ata-analar ondai qolhatty berse de, bermese de, jaz ýaqytynda balalaryna qalai bolǵanda da ózi jaýap beredi. Jazǵy demalys ýaqytynda balanyń kúndelikti ómirin suraýdy qoiýýymyz kerek. Muǵalim 56 kún eńbek demalysynda bolsa, onda ol qalai demalysta júrip jaýap beredi? Buǵan sońǵy núkte qoiylýy tiis», - dedi Ashat Aimaǵambetov respýblikalyq pedagogikalyq keńeste.
Sonymen qatar ministr respýblikanyń barlyq mektebine 20 maýsymǵa deiin 2021-2022 jańa oqý jylyna arnalǵan jańartylmaityn oqýlyqtardy balalarǵa taratyp berýdi tapsyrdy.
