Sinoptikter 28-30 tamyz kúnderiniń aýa raiyna boljam jasady, dep habarlaidy "Ult aqparat".
«Qazaqstan aspanynda turǵan biik tsiklon aldaǵy úsh kúnde respýblika aýmaǵynyń basym bóliginde jańbyr jaýýyna sebepshi bolady. Soltústik jáne ortalyq oblystarda kúzge tán salqyn aýa raiy saqtalyp, aýa temperatýrasy klimattyq normadan 2-3°S tómen bolady. Sondai-aq, eldiń ońtústigi men ońtústik-shyǵysynda da salqyn aýa aǵynyna bailanysty aýa temperatýrasy klimattyq normadan 1-3°S tómen bolady», - delingen «Qazgidromettiń» habarlamasynda.
Tek Qazaqstannyń batysynda ǵana jer betine jaqyn antitsiklon jáne Kishi Aziiadan ystyq aýa aǵyndaryn ákeletin ońtústik-batys troposfera aǵyndarynyń yqpalynan kún jaýyn-shashynsyz bolyp, aýa temperatýrasy 28...35°S, tipti kei jerlerde 40°S-qa deiin jetedi.
