Biyl Almatyda mektep janyndaǵy jáne qala syrtyndaǵy balalar lagerleri uiymdastyrylmaityn boldy, dep habarlaidy "Ult aqparat".
«Jazdyq lagerler uiymdastyrylmaidy. Jedel shtab osyndai sheshim qabyldady. Sebebi, demalys oryndary qalanyń syrtynda, oblys aýmaǵynda ornalasqan jáne olardyń basym bóligi jekemenshik. Biz balalarymyzdyń densaýlyǵyna qaýip tóndirmeýimiz kerek. Sondyqtan lager jumys istemeidi», – dedi shahar basshysy.
Sonymen qatar, ol kinoteatrlardyń da áli ashylmaitynyn tilge tiek etti.
«Oiyn saýyq ortalyqtary men kinoteatrlardy ashýǵa asyqpaý kerek. Sebebi ol halyq kóp jinalatyn jabyq oryn. Ár seans saiyn dezenfektsiialyq jumystar júrgizý kerek. Buǵan barlyq kinoteatrlar daiyn dep aita almaimyn. Bul indettiń taralýyna jol beredi. Biz qazir karantindik sharany ótkizip jatqandyqtan, budan ázirshe bas tartamyz», - dedi ol.
